Menua
Gizarte eta Giza Zientzien Fakultatea tradizioz nabarmendu izan da kalitatezko ikerkuntza lehenesten duelako. Horren erakusgarri dira Fakultatean hainbat unibertsitate institutu egotea eta graduondoko irakaskuntzaren, argitalpenen edo beste erakunde eta gizarte eragile batzuekiko lankidetzaren bidez haien transferentzia.
Hala, Fakultatea nabarmentzen da Giza Eskubideen, Aisialdiaren eta Giza Garapenaren eta Etika Aplikatuaren arloetan egindako ikerketa ibilbideagatik. Baina Fakultatean ibilbide sendoa eta aitortua duten beste ikerketa talde batzuk ere badaude, esaterako Balio Sozialen edo Komunikazioaren esparruan. Azkenik, Fakultateko ikerketaren lehentasunezko eremuak dira hauek ere: Euskal Hizkuntza eta Kultura, Turismoa eta Nazioarteko Harremanak.
Gure taldeak komunikazioak gizartean duen zeregina aztertu eta kritikoki interpretatzen du, eta hainbat ikuspegitatik egiten du, ahozko diskurtsoaren, diskurtso literarioaren, digitalaren eta ikus-entzunezkoaren analisian, hiru ikerrildo hauen esparruan: Komunikazioa eta generoa; Komunikazioa, balioak eta iritzi publikoa, eta Komunikazioa, diskurtsoak eta identitateak.
“Giza eskubideak eta erronka soziokulturalak eraldatzen ari den munduan” giza eskubideen kulturaren alde lan egiten duten pertsonak biltzen ditu, ikuspegi akademiko eta zientifikotik, bokazio sozial eta internazional nabarmena dutenak.
Taldearen lana kultura eta turismoko esperientziak integratzen dituen aisiaren ikuskeran oinarritzen da, gizartea eraldatzen laguntzen duen oinarrizko giza eskubide gisa.
Etengabe aldatzen ari diren gizarteen erronka etikoak antzemateko, ulertzeko eta horiei heltzeko ikertzen dugu.