1916tik gure konpromisoari eusten diogu eta prestakuntza oso, integral eta praktikoaren aldeko apustua mantentzen dugu.
Beste eragile batzuekin elkarlanean, mundu oparoagoa, zuzenagoa eta inklusiboagoa eraikitzen laguntzea, gizartearen eta erakundeen erronka nagusiei erantzunez, ingurune globalean enpresa proiektu iraunkorrak sustatuko eta gidatuko dituzten profesionalei prestakuntza eskainiz eta haien bidelagun izanik, eta diziplina arteko jakintza sortuz.
Deusto Business Schoolen balioak, Jesusen Lagundiaren tradizioan inspiratuak, hauek dira:
Kalitate gorena bilatzea gure lanean. Gure jarduera zehaztasunez eta gaitasun teknikoz gauzatzea, baina baita giza kalitate handiz ere. Daukagun onena ematea eta urrunago joatea beti. Aurrera egitea eta hobetzea.
Zintzoak izatea gure zereginetan eta besteekiko harremanetan. Hartu behar dituzten erabaki ugarien inplikazio etikoez jabeturik lan egiten dute, zuzentasunez eta erantzukizunez, denen onura lortzeko, bereziki, gizartean egoerarik ahulenean dauden behartsuena.
Onartzea beste batzuekin batera lan egin beharra dagoela eta horrek aparteko balioa duela, denok aurrean ditugun erronkei aurre egiteko. Interes indibidual hutsak gainditzeko gai izatea interes kolektiboen alde lan egiteko. Taldean lan egitea proiektu partekatua garatzeko, zeinetan osotasuna zatien batura baino gehiago den.
Berriarekin, ezberdinekin, munduarekin zabala izan. Aintzat hartzea nolako aberastasuna ekar diezagukeen guregandik ezberdina denak: beste herrialde batzuetakoak, beste kultura batzuk, beste erlijioak; ideia berriak, gure sinesmenak zalantzan jartzen dituzten ikuspuntuak. Gaitasuna izatea gu bezalakoak ez direnekin enpatizatzeko, errespetatzeko, baloratzeko, hitz egiteko, partekatzeko, elkarbizitzeko eta lan egiteko.
Errealitateari modu kritikoan begiratu, erronkak eta aukerak identifikatuz; oraindik konpondu gabeko arazoak gainditzeko irtenbideak proposatzeko gai izatea; ideiatik ekintzara joateko borondateak gehitzeko; aldaketa errealitate bihurtzeko balio partekatua sortuz.
Bilboko campusean 1916an sortu zenetik.
Ikasle ohien elkartean 7.000 kide baino gehiago daude eta proiekzio handia du Espainiako enpresa sarean. Ibex 35eko enpresen % 20 inguruan Deustuko Unibertsitateko alumniek parte hartzen dute erantzukizun handiko lanpostuetan
1916an Deustuko La Comercial Unibertsitatearen sorrera ahalbidetu zuen Vizcaina Aguirre Fundazioak Deusto Business Schoolekin elkarlanean jarraitzen du gaur egun.
Komertzialeko ikasle ohien talde batek sortu zuen fundazioa, Aita Bernaolaren omenez eta ikasketen prefektu lanetan eman zituen 30 urte baino gehiagoko lana aitortzeko.
Helburua enpresarien garapena sustatzea, erraztea eta indartzea da. 2000. urteaz geroztik Donostian kolaboratzen du, Familia Enpresaren Katedraren eta Antonio Aranzábal Sariaren bidez.
Jesús Serra Fundazioak bi bekarekin kolaboratzen du, baliabide gutxiko baina ibilbide akademiko aipagarria duten ikasleei zuzenduak, Deusto Business Schoolen ikerketa-proiektuak sustatuko dituzten onuradunen egonaldia betetzeko.
