GardentasunaDeustuko Unibertsitatea

Tutoretzak eta orientazioa

Ikasturte bakoitzean ikasleek tutore bat izango dute. Fakultatean dedikazioa duen irakasle bat izaten da, ikaslea matrikulatuta dagoen mailan klaseak ematen dituena.

Beste zeregin batzuen artean, tutorea(k)...

• Aholku ematen die alderdi akademiko, pertsonal eta/edo profesionalen inguruan.
• Dekanotzarekin, Idazkaritzarekin eta gainerako irakasleekin dagoen solaskidea da.
• Kudeatu eta lagundu egiten du Fakultatean ikaslearen lana hobetzera bideratutako ekintzetan.

Tutorearengana jo dezake ikasleak, azken batean, edozelako arazo edo kezkaren bat badu (ikaskuntza, eskolako errendimenduan eragiten duen kontu pertsonal, ekimen berri, hobetzeko proposamen eta bestelakorik badu).

Informazio gehiago titulazio bakoitzean

Tutoretza akademikoak

Tutoretza akademikoak irakasgai bakoitzaren ardura duten irakasle arduradunek egiten dituzte eta zalantzak konpontzera edo irakasgaietan sortu daitezkeen ulertzeko zailtasunetan laguntzera, orientatzera eta egin beharreko jarduera eta lanen jarraipena egitera daude bideratuta.

Ikasleak artatzeko ordutegiari eta irakasle bakoitzaren bulego zenbakiari buruzko informazio gehiago irakasle bakoitzaren fitxan dago.

Irakasleen bilatzailea

Unibertsitateko Orientazio Zerbitzua

Fakultateko tutoreez gain, Unibertsitateak Orientazio Zerbitzua jartzen du ikasleen eskura. Errendimendu akademikoari eta ongizate pertsonalari eragiten dieten erabakiak hartzen laguntzen du zerbitzu honek.

Horrekin batera, Unibertsitateko Orientazio Zerbitzuak kontsulta psikologikoak egiteko aukera ere ematen du. Edozein motatako arazo edo kezka –afektibo, sozial edo akademiko–, hobetzeko nahia eta pertsona moduan garatzeko gogoa izanez gero, kontsulta egin dezake ikasleak. Psikologiako doktore batek artatuko du, doan eta anonimotasun eta konfidentzialtasun osoz.

Unibertsitateko Orientazio Zerbitzuko weba

Lanbide batean hasi ahal izatea da Deustuko Unibertsitateko graduondoko bat egin dutenen artean gehien betetzen den itxaropena.

Ikerketaren helburua hau da: egin duten graduondokoarekin ikasleek duten gogobetetasun maila ezagutzea. Aldi berean, graduondokoak ikasleen gaitasun orokorrei egiten dien ekarpena aztertu nahi da eta graduondokoa egin ondorengo enplegagarritasunaren ezaugarriak ezagutu nahi dira. Horrela, 2023an inkesta bat egin zitzaien graduondokoa 2020an amaitu zuten ikasleei. % 69k erantzun zioten galde-sortari.

Okupazio-tasa, hau da, lan egiteko adinean egon eta lanean diharduten pertsonen tasa, % 94,7koa da; langabezia-tasa % 5,3koa da.

Inkestatutako pertsona guztien artean desberdintasun txikiak ikusten dira enplegagarritasunean masterraren arabera, eta okupazio-tasarik handiena arlo teknikoko graduondokoek dute: % 100ekoa.

Graduondokoen enplegagarritasunari buruzko azterketaren aurkezpena. 2020ko promozioa

Ildo beretik, azpimarratu behar da ikasketak amaitu dituzten ia pertsona guztien enplegua ikasketa-mailara egokitzen dela, % 97,1era iritsiz, eta % 80,1aren enplegua egindako ikasketekin lotzen dela.

Lortutako emaitzetatik abiatuta, ondorioztatzen da graduondokoa baliagarria izan dela curriculuma osatzeko, % 25entzat bere lanbidean jarduteko beharrezko masterra zelako, eta % 22,3rentzat, berriz, gaiari buruzko ezagutzak zabaltzeko balio izan zuelako. Gainera, %86,9el uste du jasotako ikasketen eta lan-munduak eskatzen dituen gaitasunen arteko harremana ertain-altua dela. Graduondokoarekin dagoen gogobetetasun maila 10etik 7,6koa da.