Unibertsitate-orientazioaZertan lagun zaitzakegu?

Cerrar explora esta secciónHamburguesa explora esta secciónMENUA

IKASLEARENTZAKO LAGUNTZA

UOZtik honako zerbitzu eta baliabide hauek jartzen ditugu zure eskura:

  • Unibertsitateko ikasle gisa duzun esperientzian lagunduko dizun tutore bat. NOR DA NIRE TUTOREA?
  • Aurrez aurreko/online tailer eta ikastaroen bidezko prestakuntza, hainbat gaitasun edo trebetasun hobetzeko edo garatzeko eta zailtasunak dituzun arloetan lan egiteko.
  • Kontsulta psikopedagogikoa, ikasle gisa bere bizitzan eragina izan dezakeen edozein zailtasun edo kezkari (akademikoa, pertsonala edo harremanetakoa) aurre egiteko.
  • Zure denborari ahalik eta etekinik handiena ateratzen eta zure trebetasunak hobetzen lagunduko dizuten online baliabideak.

Bideoak

Arreta psikologikoa

null

Arreta psikologikoa

Laguntza Psikologikoko Zerbitzua eskaintzen dizugu, zure ikaskuntza prozesu normala eragozten duten oztopoak gainditzeko laguntza behar duzula sentitzen duzunean edo zerbait gaizki doala uste duzunean eta nola konpondu ez dakizunean. 

Laguntza psikologikoko zerbitzura jo dezakezu, adibidez, jendaurrean hitz egiteko beldurrak klasean normal parte hartzea zailtzen dizun egoeretan, azterketa edo aurkezpenetan gehiegizko antsietatea sentitzen baduzu, kontzentratzeko arazoak badituzu... Doako zerbitzua da eta gurekin partekatzen duzun informazio guztia konfidentzialtasun osoz tratatuko dugu.

consult.psi@deusto.es (Bilboko Campusa)
sou.donostia@deusto.es (Donostiako Campusa)
sou.gasteiz@deusto.es (Gasteizko egoitza)

TUTOREEI LAGUNTZA

  • Tutoretzako Ekintza Plana (PAT), orientzaio-prozesuetan parte hartzen duten eragileen jarduera antolatzen duena.
  • Tutoreak prestatzea eta eguneratzea, hautemandako beharretara egokitutako jardueren bidez.
  • Tutoretza-jarduera gauzatzeko laguntza-materialak.
  • Tutoreentzako aholkularitza-zerbitzua. Egoera zehatzei aurre egiteko edo jarduteko moduak kontrastatzeko, zalantzak argitzeko eta abarrerako laguntza nahi dutenean jo dezakete zerbitzuarengana.
  • Tutoreentzako gunea (UOZeko Areto Birtuala), talde-tutoretzetan eta banakako tutoretzetan lan egiteko online baliabideekin.