Deustuko Ikastetxe Nagusia Deustuko Unibertsitateari atxikitako egoitza mistoa da, eta titularra Jesusen Konpainia da. Ostatua ematen die unibertsitate guztietako ikasleei, ikasketak eta bizikidetza errazten dituen ingurune seguru batean. Hau ere bada:
- Tolerantzian eta errespetuan hazteko eta trebatzeko espazioa.
- Independentzia sentsazioa familia giroan bizitzeko etxea.
- Elkar ezagutzen ez duten pertsonek bizipenak partekatzeko eta bizitza osorako loturak sendotzeko lekua.
Zergatik Ikastetxe nagusi bat?
Askotan ikastetxe nagusi bat eta egoitza bat gauza bera direlako uste okerra izaten da. Ikastetxe Nagusi batek prestakuntza akademikoaren osagarria den proiektua eskaintzen die unibertsitarioei, trebetasun sozialak, lidergoa, gatazka egoeren maneiua, erabakiak hartzea eta negoziazioa, talde-lana, denboraren kudeaketa... bultzatzen dituena. Eta horren guztiaren ondorioz, ikasleak lan-merkatuan oso baliagarriak izango zaizkien gaitasunak lantzen hasten dira. Gainera, ikastetxe nagusi batean ikastetxearen antolaketan parte hartzea sustatzen da, beraiek aukeratutako ordezkariekin. Jatorri desberdinetako gazteak dira, ostatu bat baino askoz gehiago partekatzen dute, bizitza partekatzen dute.