Gizarte ekintza eta Gizarteratze Zerbitzuen (SASI) arduraduna gizarte-langilea da, eta haren helburu nagusia da gure unibertsitatea osatzen duten pertsonen bizi-kalitatea hobetzen laguntzea, arreta berezia eskainiz desabantaila egoeran daudenei edo arazo espezifikoak dituztenei, pertsona guztiak unibertsitate bizitzan sartzea lortzeko, beste zerbitzu batzuen laguntzarekin.
Gizarte ekintza eta inklusioa
Kontaktua
Normalizazioa
Desgaitasuna edo BHLP duten ikasleentzako arreta
Deustuko Unibertsitateak, Goi Mailako Hezkuntzaren Europako Esparruaren barruan aukera-berdintasuna bermatzeko asmoz, abian jarri du desgaitasuna eta/edo berariazko hezkuntza laguntzako premiak dituzten ikasleei arreta emateko programa (aurrerantzean, BHLP), Gizarte Ekintza eta Inklusio Zerbitzuaren barruan (aurrerantzean, zerbitzua).
Helburu nagusiak dira erabateko normalizazioa lortzea, aukerak parekatzea eta pixkanaka beharrezko neurriak hartzea Deustuko Unibertsitatea hezkuntza erakunde inklusiboa izan dadin.
Zerbitzua ikasle hauentzat da:
- desgaitasun fisiko, mental, intelektual edo sentsoriala dutenentzat
- erakunde publiko eskudunak ehuneko 33ko edo gehiagoko desgaitasun maila aitortuta dutenentzat.
- Laguntza eta hezkuntza arreta berezia behar dutenentzat: desgaitasunaren edo jokabide-nahasmendu larrien ondoriozko hezkuntza premia bereziak izateagatik, ikasteko zailtasun espezifikoengatik, Arreta eta Hiperaktibitateko Desgaitasunagatiko Nahasteagatik (AGHT), adimen-gaitasun handiengatik, hezkuntza-sisteman berandu sartzeagatik edo baldintza pertsonalengatik edo eskolako historiagatik.
- Haustura, ebakuntza, errehabilitazio eta antzeko batetik eratorritako aldi baterako ezintasunak dituzten ikasleentzat.
Gainera, irakasleei orientazioa eta aholkularitza eskaintzen die.
Gizarte Ekintza eta Inklusio Zerbitzuak hitzarmena sinatuta du ONCE Fundazioarekin laguntza produktuen bankua erabili ahal izateko.
Programan izena emateko, inprimakia bete behar da:
Zerbitzuak
Helburuak
- DUn desgaitasunak eta/edo BHLP duten ikasleei aukera berdintasuna bermatzea.
- Desgaitasunak edo BHLP dituzten ikasleek izan ditzaketen sartzeko, promoziorako, parte hartzeko eta ikaskuntzarako oztopoak kentzen laguntzea.
- Curriculumaren egokitzapen ez-esanguratsuak kudeatzea.
- Barruko zein kanpoko baliabide tekniko eta ekonomikoen inguruko informazioa ematea.
- Desgaitasunak dituzten pertsonei lan munduan txertatzeko araudiaren eta baliabideen berri ematea.
- Zerbitzuan izena emanda dauden ikasleen jarraipena egitea.
- Ikasturte bakoitzean, txosten bat eta datu kuantitatiboen zentsu bat egitea.
