2023ko azaroak 10
Bilboko Campusa
Deustuko Unibertsitateak eta Agirre Bizkaitar Fundazioak lankidetza berritu dute Deusto Business Schoolen proiekzio estatala eta nazioartekotzea eta prestakuntza jarduerak bultzatzeko. Akordioak 600.000 euroko ekarpen ekonomikoa dakar, eta Bilboko campusean egingo diren hainbat hezkuntza proiektu gauzatzeko erabiliko da.
Ekimen horien artean daude graduko ikasleentzako bekak, Deustok eta Agirre Bizkaitar Fundazioak deituta, irakaskuntzaren % 100 estaltzen dutenak, Deusto Ikastetxe Nagusiko ostatua eta 3.500 euroko laguntza-poltsa ikasturte bakoitzeko. Premia ekonomikoak dituzten ikasle bikainentzako laguntzak atzerrian edo Bizkaitik kanpo bizi diren etorkizuneko unibertsitarioei esleitzea espero da, baina ez da baztertzen Bizkaiko onuradunen bat egotea. Beken deialdia.
Bi erakundeen arteko akordioaren barruan, nazioartean ospea duten irakasle edo hizlariak gonbidatuko dira Deuston ikastaroak eta mintegiak emateko; Unibertsitatearen apustu estrategikoan lagunduko da AACSB eta AMBA nazioarteko akreditazioei eusteko, eta Deusto Business School bultzatuko da nazioarteko hirugarren EQUIS-EFMD egiaztagiria lortzeko eta ranking ospetsuenetan posizionatzeko. Azkenik, sinatutako hitzarmenak Deustuko Unibertsitateko La Comercial eraikinean dagoen Pedro de Icaza y Aguirre Auditorium osoa eraberritzeko eta eguneratzeko finantza-laguntza jasotzen du.
