2022ko urriak 27
Bilboko Campusa
Deustuko Unibertsitateko Droga Mendekotasunen Institutuak (IDD) XXIX. Symposiuma antolatu du. Urriaren 27an izango da, Deustuko Unibertsitatean (Bilbo), eta jokoarekin eta IKTekin lotutako mendekotasun-jarrerei ekingo die.
Aurtengo edizioan, mendekotasunen eta ikastetxeen arloan lan egiten duten profesionalek gero eta kezka handiagoa dute jokoen eta teknologiaren (Internet, sare sozialak, bideojokoak) abusuzko erabilerek eragindako arazoengatik, batez ere nerabeen eta gazteen artean gero eta handiagoa den fenomeno horren arriskuengatik eta ondorioengatik, bai eta haien familietan eta hurbileko ingurunean eragin zuzenak ere.
Horretarako, lehenik eta behin, EAEko arrisku-arazoen eta -portaeren egoeraren diagnostikoa aurkeztuko da. Ondoren, prebentzioaren eta esku-hartzearen arloan arlo horretan egiten diren hainbat programa eta jarduera ezagutuko ditugu. Amaitzeko, doako bi tailer eskainiko dira nerabeen jokoaren prebentzioa lantzeko.
Honekin batera doakizue programari buruzko informazio zehatza, baita izena emateko modua ere (doakoa da eta bertaratuta edo online parte har daiteke).
Egitaraua
Izena emateko inprimakia
Data: 2022KO URRIAREN 27an- Deustuko Unibertsitatean. (Bilbon, Auditorioan)
Hartzaileak: Komunitatean, gizarte baliabideetan eta menpekotasunetan lan egiten duten talde profesionalei zuzendua, substantziarik gabeko mendekotasun-jarreren prebentzio eta esku-hartzeari buruz gogoeta egiteko. Era berean, hezkuntza-arloko, Osakidetzako, kirol-elkarteetako eta Eusko Jaurlaritzako Joko eta Ikuskizun Zuzendaritzako profesionalak.
