2026ko apirilak 24
Sala Ellacuria
Sexu-indarkerian esku hartzeko aditu diplomak, Emakunde-Emakumearen Euskal Erakundearen laguntzarekin ematen denak, Sexu-indarkerian Esku Hartzeko I. Jardunaldia ospatu zuen apirilaren 27an, “Sexu-indarkeriari modu integralean heltzea: 24 orduko krisi-zentroen zeregina” izenburupean.
Jardunaldi honen helburua izan da sexu indarkeriatik bizirik atera direnekin esku hartzean aurrerapenak eta esperientziak partekatzea, profesionalen arteko elkarrizketa sustatzea eta arreta espezializatua eta genero ikuspegiak eta intersekzionala eskatzen duen arazo baten aurrean erantzun eraginkorragoak eta koordinatuagoak ematen laguntzea.
Egitaraua
Jardunaldia hasi zen aurkezpen instituzionalarekin: Aitziber Irigoras, Deustuko Unibertsitateko Elkarteko eta 2030 Agendako errektoreordea; Miren Elgarresta, Emakunde-Emakumearen Euskal Erakundeko zuzendaria; eta Raquel Royo, Sexu Indarkerian Esku Hartzeko Aditu Diplomako zuzendaria.
Ondoren, “Acompañamiento e intervención especializada a víctimas de violencia sexual” hitzaldia eman zuen Noelia Fernández Asturiasko Printzerriko Sexu Erasoen Biktimentzako Krisi Zentroko adingabeen taldeko psikologoak.
Ondoren, mahai-inguruko solasaldia garatu zen: “24 orduko krisi-zentroak: sexu indarkerian esku-hartzeko bideak partekatu”. Hizlariak hauek izan diran: Belén Larrión, Gipuzkoako Foru Aldundiko Haurren Babeseko, Gizarte Inklusioko eta Emakumeen Aurkako Indarkeria Matxistaren Arretarako zuzendari nagusia, eta Óscar Seco, Bizkaiko Foru Aldundiko Gizarte Inklusioko zuzendari nagusia.
