2025eko azaroak 13
Beste hiri batzuk
Deustuko Unibertsitateko Gizarte eta Giza Zientzien Fakultateak, Pedro Arrupe Giza Eskubideen Institutuaren bitartez, eta Egoaizia Elkarteak sinatutako lankidetza-hitzarmen bati esker, Nazioarteko Ekintza Humanitarioko Eramus Mundus Master Bateratuko (NOHA) bi irakaslek, masterreko zuzendari Cristina Churruca Muguruzak eta Luis Enrique Eguren Fernández irakasleak Makelleko Unibertsitateko (Etiopia) Ikasketa Humanitarioen Zentro sortu berriaren Erantzun Humanitarioaren Sarrerako lehen Ziurtagiria jarri dute abian.
Ikastaroa urriaren 26tik azaroaren 8ra bitartean eman zen, eta Tigray eskualdean presentzia duten tokiko eta nazioarteko erakunde humanitarioetako 27 profesionalek parte hartu dute.
Ekimen horrek pauso garrantzitsua ematen du Europako eta Afrikako erakundeen arteko lankidetza akademiko eta humanitarioan, eta indartu egiten du Pedro Arrupe Institutuak eta NOHA programak krisi humanitarioko testuinguruetan tokiko gaitasunak prestatzeko eta indartzeko duten konpromisoa.
