2026ko maiatzak 22
Deustuko Unibertsitatea
Split-eko Unibertsitateko Mirjana Milic PhD irakasleak ERASMUS+ mugikortasuneko egonaldi batean parte hartu du Deustuko Unibertsitateko Hezkuntza eta Kirol Fakultatean, 2026ko maiatzaren 4tik 8ra.
Bisita Split-eko Unibertsitateak eta Deustuko Unibertsitateko Jarduera Fisikoaren eta Kirolaren Zientzien Sailak 2016az geroztik duten mugikortasun-hitzarmenaren barruan dago. Urteetan zehar finkatutako lankidetza horri esker, Jarduera Fisikoaren eta Kirolaren Zientzien Sailak gaur egun ikasle gehien bidaltzen dizkion nazioarteko unibertsitatea bihurtu da Kroaziako erakundea.
Bere egonaldian, Milic irakasleak zenbait irakaskuntza-saiotan parte hartu du: Graduko 1. mailako Irakasteko eta Ikasteko Prozesuak, Graduko 3. mailako Kirol Entrenamenduaren Plangintza eta Graduko 4. mailako Gorputz eta Kirol Hezkuntza II irakasgaietan.
Bere hitzaldietan, irakasleak bere jakintza-arloarekin eta systematic kinesiologyarekin lotutako alderdiak partekatu ditu ikasleekin, eta Split hiria eta Fakultatea nazioarteko helmuga akademiko gisa aurkeztu ditu. Era berean, nazioarteko mugikortasun programetan, ERASMUS+ nazioarteko mugikortasunean, kasurako, parte hartzeak zer balio formatibo, akademiko eta pertsonal dakarren nabarmendu du eta ikasleen artean halako unibertsitate esperientziekiko interesa sustatu du.
