2025eko uztailak 14
Bilboko Campusa Donostiako Campusa
Giza Eskubideen Institutuak atsegin handiz iragarri du Mayra Núñez Pastor doktoregaiak René Cassin 2025 Doktore Tesiko Saria jaso duela, giza eskubideen arloan nazioartean ospe handiena duen sarietako bat. “Voices across the Inter-American Human Rights System on Reparations of Economic, Social and Cultural Rights in Transitions: Interpreting Needs and Demanding Rights” tesia 2024ko maiatzean defendatu zuen Deustuko Unibertsitatean, Felipe Gómez Isa irakasle eta Institutuko ikertzaile nagusiaren eta Ganteko Unibertsitateko Clara Burbano irakaslearen zuzendaritzapean.
René Cassin Fundazioak –Giza Eskubideen Nazioarteko Institutua– eman duen sariaren epaimahaiak Núñez Pastor doktoreak egindako ikerketa lanaren bikaintasun akademikoa eta garrantzia nabarmendu ditu, eta kide guztiek aho batez goraipatu dute.
René Cassin Fundazioak Les Éditions Pedone argitaletxearen Publications de l 'Institut international des droits de l' homme bilduma ospetsuan tesia argitaratzeko aukera eskainiko du. Argitalpen hori Fundazioak finantzatuko du oso-osorik.
Giza Eskubideen Institututik gure esker on eta zorionik zintzoena adierazi nahi diogu Mayra Núñez Pastorri lorpen garrantzitsu eta merezidun horrengatik, gure komunitate akademikoak bikaintasunaren ikerketarekin eta giza eskubideen sustapen eta defentsarekin duen konpromisoa berresten baitu.
