2014ko irailak 22
Bilboko Campusa
El País egunkariaren irailaren 21eko edizio digitalean eta 22ko paperezkoan argitaratu zen artikulu batean, Deustuko Unibertsitateko Europako Zuzenbideko irakasle María Luisa Sánchez Barruecok gutuna aukeratu du Europako Batzordeko presidente Jean Claude Junckerrengana jo eta “erakundeen legitimotasuna” babestu dezan eskatzeko".
‘¿Qué le pido yo a Juncker?’ izenburua duen testuaren hasieran aitortzen du “Europako Batzordeko presidente gisa hasiko duen aldia ez dela batere erraza izango”.
Testuingurua “krisi garaikoa” dela dio; hortaz, “gure konfiantza europar politika publikoen eraginkortasunarekiko zuzenki proportzionala izango da”. Ildo horretatik, onartzen du “Juncker Batzordearen eraginkortasuna”, komisarioak lehenengo egunetik jarri baititu lanean.
Artikulugileak gertatutakoetan oinarritzen du balioespena. “Europarren % 25ek uste badu EBk beharrezkoa ez den dirua xahutu dela, milaka begik eta fokok zerrendatuko ditu haren proposamenen birtualitatea. Onartzen dut sei presidenteorderen menpean bildutako 28 komisarioren organigramak lagundu beharko lukeela Komisioaren politiken koordinazioa eta eraginkortasuna handiagoa izan dadin. Gainera, bidegabea litzateke zure kontra geziak jaurtitzea, Lisboako Itunak arrakalatu egin baitu garai batean Batzordeak zuen botere sendotasuna, gainerako erakundeekiko”.
Sánchez Barruecok “legitimitatea” eskatzen dio Junckerri “herritarren parte hartzeagatik, nahiz eta zalantzak sortzen zaizkidan legegintzako herri-ekimenaren birtualtasunari buruz, orain arte aurrera atera diren bi proiektuen jarraipeneko txostenak irakurri ondoren”; eta, horrekin batera eskatzen dio “Batzordea ondo gobernatzeko bosturtekoan".
