2025eko irailak 23
Bilboko Campusa
Deustuko Unibertsitateak Maltak Espainian duen enbaxadore Emmanuel Malliaren bisita jaso zuen joan den irailaren 23an, herrialde hark Bilbon duen ohorezko kontsul Iñigo Nagore irakaslearekin batera. Egonaldian, bilera instituzionala izan zuten Unibertsitateko errektore Juan Jose Etxeberriarekin, Nazioarteko Harremanetako eta Ikerketarako errektoreorde Javier Arellanorekin eta Nazioarteko Harremanetako eta Ikerketako Errektoreordetzako Deusto Global unitateko bi ordezkarirekin, Laura Vegarekin eta Paula Comellasekin.
Topaketari esker, Deustuko Unibertsitatearen eta Maltako Unibertsitatearen arteko egungo lankidetza-arloak berrikusi ziren, bai eta lankidetzarako aukera berriak aztertu ere. Fakultateen arteko sinergia posibleak balioetsi ziren, interes potentziala zutenak, bai esparru akademikoan, bai enpresa arloan. Bisita amaitzeko, ibilbide laburra egin zuten campusean, eta Maltako ordezkariei Deustuko unibertsitate-ingurunearen ikuspegi hurbilagoa eskaini zieten.
