2023ko maiatzak 23
Bilboko Campusa
Deustuko Unibertsitatea finalista geratu da Ontzi eta Enbalajeen Sari Nazionalen XIV. edizioan. Ontzi eta Enbalajeen Berrikuntza Klusterrak deituta, ekoizpen eta banaketa prozesuak optimizatzeko formula berritzaile eta iraunkorrak bilatzea da sari honen helburua, ekonomia zirkularrerako trantsizioak markatutako testuinguru globalizatu batean. Deustuko taldea droneekin entregatzeko edukiontzi modularren proiektu baten bidez sailkatu da.
Unibertsitateko ikasleen eta sektoreko enpresen arteko lotura puntu bat ezartzea da ekimen honen beste helburuetako bat. Oraingo honetan, 25 ikastetxetako 636 ikaslek hartu dute parte.
Markel Peñas, Usue Macias, Ane Martin eta Gorka Santamaria Deustuko ikasleek “Cabcover” aurkeztu dute, droneak edo sistema autonomoak dituzten azken miliako entregetarako edukiontzi modularren sistema planteatzen duen diseinua. Lan honek egungo logistika (Pallets, Big Containers) eta etorkizuneko logistika (entregarako droneak, geolokalizazioa) modu sinple eta ausart batean konbinatuko ditu, bezeroen beharrei erantzunez.
Proiektu hau honako unibertsitate hauetako finalistekin lehiatuko da: Mondragon Unibertsitatea, Madrilgo Unibertsitate Politeknikoa, Zaragozakoa, Valladolidekoa, Escola DArt i Superior de Disseny de les Illes Balears, ELISAVA Escuela de Diseño e Ingeniería de Barcelona, Castelloko Escola d 'Art i Superior de Disseny eta Alacanteko Arte eta Goi Mailako Diseinu Eskola.
Sariek Grupo Hinojosa eta ITENE zentro teknologikoaren babesa dute, baita erakunde hauen laguntza ere: Ayming, Heura, Caixa Popular, Grupo La Plana, Emsur, Sacmi, Upalet, Siegwerk, Grabalfa eta Limitronic, eta ESIC Business & Marketing School. Valentziako Generalitateko Ekonomia Jasangarriko, Ekoizpen Sektoreetako, Merkataritzako eta Laneko Kontseilaritzak ere finantzatzen ditu.
Lan finalista guztiak hemen. ikus daitezke. Sari Nazionalen irabazleak ekainaren 1ean emango dira ezagutzera, Valentzian egingo den ekitaldian. Informazio guztia hemen dago.
