2026ko ekainak 01
Bilbao Donostia-San Sebastián
Deustuko Unibertsitateak ekainean egingo du Erizaintzako Graduko 1. promozioko ikasketen amaiera. Taldeak 2022an hasi zuen karrera, Osasun arloan zegoen eskaera sozialari erantzuteko, eta 95 pertsonak osatzen dute, gaztelaniaz, ikasketak Bilboko campusean egin dituztenak, eta 74k ikasketak euskaraz Donostian amaitu dituztenak. Deustuko Unibertsitateko 169 erizain horiek dira Euskadin Egoera Klinikoetan Oinarritutako Ikaskuntza (EKOI) metodologiaren erabileran trebatu diren lehen graduatuak.
Irakasteko sistema horrek, simulazioa barruan hartzen duenak, ikasleen esperientzia-arloari pisu handia ematen dio, erizaintzako gaitasun-arloetan antolatzen ditu ikasgaiak, edukiak ulertzea errazteko eta praktikan integratzen laguntzen du. Prestakuntza aktibo eta bereizgarria da, non lantaldeen kudeaketa, zaintza eta pertsonaren arreta lantzen diren. Izan ere, Erizaintzako profesionalak entrenatu egin dira pazientea zaintzeko eta zerbitzatzeko helburu iraunkorra izateko beren bizitzako etapa guztietan, hautemate goiztiarrean oinarritutako prebentzioan eta kronikotasunaren aurreko jarduketan arreta jarrita.
Ikasketek iraun duten lau urteetan, ikasleek azken belaunaldiko instalazioak izan dituzte DeustoBio eraikinaren barruan, Bilboko campusean. Bertan, laborategiak, ospitale birtual bat, bi trebetasun gela, lau kontsulta, ospitaleko solairuko gela bat, zainketa intentsiboetako unitatea (ZIU), ebakuntza gela eta briefingeko gelak daude. Donostiako campusean, irakaskuntza Larramendi eraikinean egin da. Eraikin horrek hainbat laborategi, ospitale birtual bat (kontsulta-gunea, gimnasio terapeutikoa, ospitaleratze-gunea eta ZIU gela) eta gela teoriko-praktikoak ditu, tresneria espezializatuarekin hornituak.
2.500 orduko praktikak kanpoan
Deustuko Unibertsitatearen espirituari leial, graduak nazioarteko mugikortasuna sustatu du. Hirugarren mailan, ikasleek aukera izan dute seihileko bat atzerrian egiteko, Erasmus edo SICUE programen bidez, eta 500 orduko praktikak egin dituzte askotariko errealitate sanitarioetan. Gainera, gradu osoan 2500 ordu egiten dira curriculumaren barruko kanpoko praktiketan, osasun lanbide horren erregulazioarekin bat etorriz. Deustuko Unibertsitateak hitzarmenak ditu osasun-erakundeekin, etorkizuneko profesionalen prestakuntza integrala hobetzeko irakaskuntza-jardueretarako eta ikasketa horien inguruko ikerketa-akordioetarako.
Osasun Zientzien Fakultatea
Prestakuntza hori ezartzea Osasun Zientzien arloak 2020an Medikuntzako ikasketak abian jarri zituenean hasitako apustu estrategiko eta erabakigarriaren barruan dago. Medikuntzako ikasketen lehen promozioa ere aurten amaitu da. Ildo horretan, erizain berri horiek lan merkatura ateratzeak mugarri historiko bat markatuko du, Osasun Zientzien Fakultatearen sorrerarekin gauzatu dena.
Lidergo humanista goi buru dutela, zentroak Medikuntzako, Erizaintzako, Fisioterapiako eta Psikologiako graduak biltzen ditu. Azken horiek, Deustuko Unibertsitatean ibilbide luzea eta ospea dute. Graduko 2.400 ikasle baino gehiagorekin eta bikaintasuneko eta eragin sozialeko ikertaldeekin, Unibertsitatea erreferente gisa finkatu da profesional trebeen, konprometituen artean eta pertsonarengan oinarritutako arretaren prestakuntzan, arreta “pertsona zaintzean” jartzen duen ikuspegi batetik, eta ez soilik gaixotasuna tratatzean.
Fotografías Despedida a la 1ª pomoción de Bilbao
Fotografías Despedida a la 1ª pomoción de San Sebastián
