2025eko ekainak 06
Norvegiako Stavanger Unibertsitatea
Nerea Gutiérrez Nazioarteko eta Erakunde Harremanetarako dekanordeak Stavangerreko Unibertsitatea (Norvegia) bisitatu du ekainaren 2tik 6ra, bi erakundeen arteko lankidetza indartzeko helburuarekin.
Egonaldian, mugikortasuneko hitzarmen bat sinatu da Lehen Hezkuntzako eta Jarduera Fisikoaren eta Kirolaren Zientzietako graduetako ikasleentzat. Horri esker, nazioartekotzeko aukerak zabalduko zaizkie gure ikasleei.
Gainera, ordezkaritzak eskualdeko hainbat ikastetxe bisitatzeko aukera izan du, etorkizunean Lehen Hezkuntzako Graduko ikasleentzat praktikak egiteko nazioarteko plazak ezartzeko asmoz.
Bisitaldi horrek gure unibertsitateak nazioartekotzearekin eta gure ikasleen prestakuntza praktikoaren etengabeko hobekuntzarekin duen konpromisoa sendotzen du.
