2026ko martxoak 04
Barandiran aretoa
Nola lagundu dezakete eskolek eta haien komunitateek gizartea eraldatzen? Zer eginkizun bete behar du unibertsitateak hezkuntza-praktika inklusiboak, demokratikoak eta gizarte-mailan garrantzitsuak sustatzeko? Datorren martxoaren 4an, asteazkena, Hezkuntza eta Kirol Fakultateak mintegi bat antolatu du Barandiaran aretoan, 11:30ean, ikerketa eta unibertsitatearen eta komunitatearen arteko praktika biltzeko, hezkuntza erakundeek elkarrizketaren, lankidetzaren eta parte-hartzearen bidez gizarte aldaketa esanguratsua nola eragin dezaketen aztertzeko.
Hitzaldietako bat Newcastleko Unibertsitateko Liz Todd irakasleak emango du, Ingalaterrako ipar-ekialdean GKEekin eta ikastetxeekin batera komunitateetan aldaketa positiboak bultzatzeko egiten duen lanari buruz hausnartzeko. Unibertsitateen eginkizun soziala ere aztertuko du, kokatzen diren lekuen arabera, eragina hiru mailatan kontuan hartuta: komunitateko pertsonengan, unibertsitateko langile eta ikasleengan, eta erakundeetan, baita tokiko demokrazian ere.
Hitzaldiaren ondoren, panel bat izango dugu. Bertan, Emilia Aiello (Madrilgo Unibertsitate Autonomoa) eta María Padrós (Bartzelonako Unibertsitatea) irakasleek parte hartuko dute, #FriendsMatter proiektuan lortutako emaitzetatik abiatuta, adiskidetasunek eta komunitatearekiko harremanek gizarte aldaketarako azpiegitura gisa duten zereginari buruz hausnartzeko. María José Schultzek (Deustuko Unibertsitatea), bere aldetik, Deustuko Unibertsitateko Campus Sozialetik komunitateari konprometitutako jardueren bidez zer ekarpen egiten diren partekatuko du. Saioari amaiera emateko publikoarekin hitz egiteko eta eztabaidatzeko denbora egongo da.
Mintegia ingelesez eta gaztelaniaz izango da.
