2022ko azaroak 15
Garate aretoa
Jesuitas. Impacto cultural en la Monarquía Hispana (1540-1767) liburuak bi liburukitan jasotzen du Jesusen Lagundiaren misio apostolikoaren historia handia, 1540an sortu zenetik Karlos III.a erregeak 1767an dekretatutako kanporatzea arte. Eginkizun handia da, prestakuntza zorrotz eta sakonez hornitua eta jakintzaren hainbat arlotan garatua humanitateak, zientziak, teologia eta artea, sortu zituzten erakundeen bitartez -ikastetxe eta misio herrikoien sare handia-. 227 urteko etapa honetan, jesuitek modu esanguratsuan eta lagundu zuten Monarkia Hispanoaren lurralde guztietan hedatzen zen “aro moderno” berria eraikitzen.
Deustuko Unibertsitateak, Ignaziotar Astearen testuinguruan, José García de Castro doktore ikertzaile eta Ignatiana Masterreko zuzendariak Loyola Komunikazio Taldeak argitaratutako lan handiaren aurkezpena egin du azaroaren 15ean. Ondoren, Rosa Miren Pagola, Pedro Fabro Unibertsitate Elkarteko lehendakaria, irakasle emeritua eta bertako aldezle ohia, jesuitek euskal hizkuntza eta kulturan (Jesuita Euskalariak) izan zuten eraginari buruzko hausnarketa egin du, hasieratik gaur egun arte, XVI-XVIII. mendeetako garaiari arreta berezia eskainiz. Laster argitaratuko den lanaren aurrerapena da.
Monarkiaren eragina
Lan hau publiko zabalari zuzenduta dago, modu pedagogikoan urte horietan zabaldutako jakintzaren eta giza bizitzaren arlo askotako sormen eta ugalkortasun guztia erakusten duelako. Misio horren errealitatea Parisko hamar unibertsitarioko lehen talde haren irudimena gaindituz joan zen, Antonio España SJ Jesusen Lagundiko Espainiako probintzialak hitzaurrean adierazten duen bezala.
Zuzendaria Henar Pizarro Llorente historialaria da eta editoreak José García de Castro Valdés, Macarena Moraleja Ortega, eta Wenceslao Soto Artuñedo, SJ, dira. Historialari espezialisten talde handia du, eta kutsu pedagogikoarekin, zorroztasunik galdu gabe, argitzen dute Jesusen Lagundiarengandik jasotako kultura ondarea, UNESCOren definizioari jarraiki, iraganetik jasotzen dugun ondare kultural, material eta ez-materiala, gaur egun bizi garena eta etorkizuneko belaunaldiei transmitituko dieguna.
