2019ko otsailak 28
Bilboko Campusa
Ignacio Sanchez Galan Iberdrolako presidente eta kontseilari delegatua DeustoForumen izan zen otsailaren 28an. “Asomándonos a un mundo digital” hitzaldi zikloan parte hartu zuen, mundu digitaleko energia horniduraren etorkizunaren inguruan duen ikuspuntua partekatzeko. Sanchez Galanek dioenez, gauzen interneta, robotika, adimen artifiziala edota Big Data moduko kontzeptuak sofistikatuak izan arren, funtzio horiek ez dira beteko behar diren potentzia eta energia bermatzen dituen azpiegitura fidagarririk egon ezik. Ildo horretatik, hizlariaren ustez, elektrizitate konpainien erronka da aro berria, aro digitala, energiaz hornitzea. Hori da Laugarren Industria Iraultza deritzonaren oinarrietako bat.
Hortaz, “energia elektrikoa segurtasunaren, jasangarritasunaren eta lehiakortasunaren aldetik ahalik eta egokien eskuragai izatea, berriz ere, nahitaezko faktorea da hazkunde ekonomiko sendoa eta inklusiboa lortzeko. Iberdrolako presidenteak azpimarratu du “energia eskaera gehigarriaren estalduratik haratago, eraldaketa ahalbidetzeko beharrezkoa da behar bezain aurreratuak eta inteligenteak diren azpiegitura elektrikoak zabaltzea”.
Halaber, Ignacio Sanchez Galanek nabarmendu du digitalizazioa iragate energetikoaren prozesuaren funtsezko faktorea dela. Prozesu horren helburua da ekonomia deskarbonizatzea elektrizitatean oinarritutakoa lortzeko. Iberdrolak digitalizaziorako 5.000 milioi euro gordeko ditu 2018tik 2022ra bitartean. Bere ustez, hori izango da bide bakarra beharrezkoa den karbono aztarnaren murrizketa eta datozen 25 urteetan %30 handituko den energia eskaeraren asebetetzea uztartzeko. Erantzuna energia berriztagarrien belaunaldiarekin, sare adimentsuekin eta energia metatzearekin batera helduko da, hain zuzen ere, eraginkortasun energetikoaren areagotzearekin batera.
“Eraldaketa digitala, aukera ona”
Iberdrolako presidenteak baieztatu zuen Iberdrolarentzat eraldaketa digitala benetako aukera bat dela balioa sortzeko. Teknologia berriek konpainiaren negozio arlo guztietan izan duten eragin positiboaren adibide zehatzak aipatu zituen. Horiek horrela, Watten sorreraren arloan, Iberdrolako arduradunak azaldu zuen haien sortze aktiboen %100 modu automatizatuan eta digitalizatuan kudeatzen direla (48 GW-ko kapazitatea, horietatik 30 GW inguru berriztagarriak dira jatorrian). Horri esker, prebentziozko ekintza eta mantentze lanak errazten dira eta sistemaren segurtasuna hobetzen da. PL
Sarearen arloan, aldiz, oroitarazi zuen smart grids-en ezarpenari esker konpainiak sarea birtualki kudeatu dezakeela, momentuan eta modu automatikoan. Ondorioz, egon daitezkeen gorabeherak aurreikusi ditzakete eta horiek konpondu gero eta azkarrago eta modu eraginkorragoan. Adibidez, STAR proiektuaren bidez -2.000 milioi euroko inbertsioa-, Espainiako banaketa-sarea digitalizatu zen, eta horrek eragin du 2001. urtetik hasita zerbitzuen kalitatea hirukoiztea.
Salerosketari dagokionez, eta Big Dataren azterketaren bidez, azaldu zuen etengabe produktu eta zerbitzu berriak garatzen ari direla, izan ere, euren asmoa da gero eta eskakizun gehiago duten eta proaktiboagoak diren bezeroen beharrei aurre egitea [zeure neurrirako planak]. Arlo horretan, Ignacio Sanchez Galanek aipu berezia egin zion Iberdrolak mugikortasun elektrikoarekin duen konpromisori. “Honezkero Espainian zehar ibilgailu elektrikoak kargatzeko 25.000 gune jarri ditugu, etxebizitzetan zein bide publikoan, eta bezeroei %100 berriztagarria den elektrizitatea modu inteligentean kargatzeko aukera eskaintzen diegu, ohiko errekuntzako motorrak betetzea baino 10 bider merkeagoa den kostuan.”
Honela bukatu zuen: “digitalizazioari esker, zerbitzurik fidagarriena eskaintzen dugu gure bezeroek, gero eta interkonektatuagoek, eguneroko zereginetarako, elektrizitatea inoiz baino beharrago duten unean”.
