2023ko irailak 07
Bilboko Campusa
Golda Gigi G. Miñoza Filipinetako Unibertsitateko International Finance Law-ko zuzendariak ikerketako egonaldia egin du Deustuko Unibertsitateko Zuzenbide Fakultatean irailean zehar. Bisita hau Filipinetako Unibertsitateak, Nazioarteko Zuzenbide Eskolaren bidez, eta Deustok CALESA Berrikuntza Juridikoko Proiektuaren barruan duten harremanaren barruan kokatzen da. Proiektu horren barruan, Zuzenbidearen modernizazioari buruzko irakaskuntza-prestakuntza eta unibertsitate-hedapeneko arloak partekatzen dituzte. Filipinetako Akademia Judiziala eta Irlandako, Portugalgo eta Filipinetako beste unibertsitate batzuk ere Malagako Unibertsitatea buru den eta Europako Batzordeak finantzatzen duen ERASMUS nazioarteko proiektu honen parte dira.
