2013ko azaroak 28
Bilboko Campusa
Azaroaren 28an eta 29an, ESIDEko Bideokonferentzia Aretoan, “Europako nazioz gaindiko auzitegien konstituzionalismoa” mintegia (“Constitutionalism of european supranational courts”) egingo da, Luis Gordillo ikertzaile nagusiak, Zuzenbide Fakultateko irakasleak, antolatuta.
Lehenengo jardunaldia goizez eta arratsaldez izango da. Goizeko programaren izenburua hauxe izango da: “The Court of Justice of the European Union as a Constitutional Court”, eta ingelesez eztabaidatuko da.
Luis Gordillok “The evolution of the CJEU towards a Constitutional Court: some elements to consider” hitzaldia emango du, eta, goizeko 10:00etan, hizlarien txandari emango dio hasiera. Jarraian, Giuseppe Martinicok (CEPC, Madril) “Constitutional Autonomy in the case law of the CJEU” hitzaldia emango du.
Beste alde batetik, Sara Iglesiasek (CJEU, Luxemburg) “The judicial protection of fundamental rights: the interaction of levels of protection” hitzaldia emango du eta, Alberto Alemannok (HEC, Paris), “The Principle of Openness at the Court of Justice” hitzaldia.
Azaroaren 28ko, lehenengo eguneko, arratsaldeko txanda 16:00etatik 18:30era bitartekoa izango da, eta, bertan, doktorego lantegia egingo da (Workshop-a), eta Luis Gordillo, Giuseppe Martinico eta Carlos Romero izango dira bertako tutore; parte hartzaileak doktoregaiak izango dira.
Bigarren saioa
“The European Court of Human Rights as a Constitutional Court” izenburua du azaroaren 29an, ostiralean, 10:00etatik 13:30era bitartean egingo den “Europako nazioz gaindiko auzitegien konstituzionalismoa” mintegiko bigarren saioak.
Hitzaldiak, kasu honetan, gaztelaniaz izango dira. Entzuleen aurrean, lehenengo-lehenengo, Leonardo Álvarez Álvarez izango dugu, Oviedoko Unibertsitatekoa, eta hitzaldi hau emango du: “El derecho a la educación según TEDH”. Gero, Alberto Oehlingek, Balear Uharteetako Unibertsitatekoak, bere ikuspuntua emango du hitzaldi honen bidez: “La dignidad humana según el TEDH”.
Fco. Javier Matía Portillak, Valladolideko Unibertsitatekoak, “El protocolo de adhesión de la UE al CEDH” hitzaldia emango du; Mario Hernándezek, Salamancako Unibertsitatekoak, “El colapso de los tribunales protectores de derechos fundamentales. El TEDH en perspectiva comparada”, eta, Ciro Milionek, Kordobako Unibertsitatekoak, “La ejecución de las sentencias del TEDH”.
