2026ko maiatzak 25
Bilbao
Gregorio Ybarra Elkarteak eta Deustuko Unibertsitateak “Entzun Sarea-Sumando Talento Diverso” enpresa-jardunaldia antolatu dute datorren ASTEARTEAN, maiatzak 26, enpresak, profesionalak eta entzumen desgaitasuna duten gazteak, bilduko dituen topaketa, laneratze irisgarriago, berritzaileago eta gizatiarrago baten alde hausnartzeko eta elkarrekin lan egiteko.
Ekimena enpresa sarearen eta entzumen desgaitasuna duten gazteen talentuaren artean zubiak eraikitzeko sortu da, lan espazio inklusiboagoak eta aukera berdintasunarekin konprometituagoak sustatzeko.
Jardunaldiak esperientzia errealak, kasu arrakastatsuak eta Think Tank enpresarial bat izango ditu, non bertaratutakoek hainbat erronkari buruz lan egingo duten: hautaketa prozesuen eraldaketa, lantaldeetan integratzea edo benetan inklusiboak diren lan inguruneak sortzea.
Begizta magnetikoa
Deustuko Unibertsitateak begizta magnetikoko sistema batekin egokitu du Barandiaran Aretoa, audifonoen eta kokleako inplantea erabiltzen dutenek esperientzia irisgarria izan dezaten. Neurri horrek erakunde antolatzaileek benetako inklusioarekin eta irisgarritasunarekin duten konpromiso irmoa islatzen du.
Jardunaldiak Bizkaiko Foru Aldundiko Enplegua, Gizarte Kohesioa eta Berdintasuna Sustatzeko Sailaren eta Gondra Barandiaran Fundazioaren babesa du. Erakunde horiek aukera-berdintasuna eta gizarteratzea bultzatzen duten ekimenak bultzatzeko konpromisoa dute.
Topaketa amaitzeko, Entzun Sarera atxikitzeko dokumentua sinatuko da, Bizkaian askotariko talentua bultzatzeko konpromiso kolektiboa.
