2026ko maiatzak 22
Bilbao
Datorren asteazkenean, maiatzak 27, Deustuko Unibertsitateak Itsas Foroaren XII. edizioa hartuko du, itsas sektorea eta nazioarteko merkataritza aztertzeko erreferentziazko topaketa. Zuzenbide Fakultateak -Itsas eta Portu Enpresen Kudeaketako eta Itsas Zuzenbideko Masterraren barruan- eta Eusko Jaurlaritzak antolatuta, International Propeller Club of the Basque Country eta Port of Bilbaoren laguntzarekin, Foroak are garrantzi handiagoa hartzen du aurten, Ormuzko itsasarteko gatazkak itsas-trafikoa eztabaida estrategiko globalaren erdigunean jarri baitu.
Programaren barruan, Édgar Fernández Vidal inbertitzaile eta Finantza irakasleak "Ciclos del capital en la industroa marítima" gaia jorratuko du. Gainera, Joel Grau Zostera Marine/NorthStandardeko kontseilari delegatu eta Irlandako National Maritime Collegeko irakasleak "Disrupciones en el comercio internacional y geopolítica de bloques. Desafíos históricos” hitzaldia eskainiko du eta gaur egungo gatazka geopolitikoek hornidura-kate globaletan duten eragina aztertuko du.
Gainera, "BBC ONIX kasuari" buruzko mahai-inguru bat egingo da, itsas eta portu esparruko profesional gazteen parte-hartzearekin, eta “Propeller Club del País Vasco-Port of Bilbao” saria emango da, 2024-2025 ikasturteko espediente akademiko onenari, belaunaldi berrien talentua eta bikaintasun akademikoa aitortzeko.
Ekitaldiaren amaieran, Eusko Jaurlaritzako Itsasertzaren Garapeneko, Portuen eta Itsas Gaietako zuzendari Koldobika Goitiak emango du, Itsas eta Portu Enpresen Kudeaketako Masterreko zuzendari Javier Larenarekin batera.
