2026ko ekainak 26
Bilbao
Nazioarteko Ekintza Humanitarioko Erasmus Mundus baterako masterra (NOHA) Espainiako graduondoko programarik onena izendatu dute berriro ere lankidetzaren arloan, El Mundo egunkariak urtero egiten dituen 250 master onenen rankingaren arabera.
2026ko edizioan, NOHA Masterra Gizarte Zientziak-Lankidetza kategoriako lehen postuan dago, eta bikaintasun akademikoko eta nazioarteko lidergoko ibilbidea finkatu du, prestakuntza humanitarioko Europako erreferentzia nagusien artean kokatzen duena. Programak aurreko urteetan ere lortua zuen toki hori, eta orain erreferente izaten jarraitzen du nazioarteko ekintza humanitarioan espezializatu nahi dutenentzat.
El Mundo-ren rankingak Espainiako graduondoko programarik onenak hautatzen ditu, mila titulazio baino gehiago aztertu eta 26 irizpide ebaluatu ondoren, masterraren eskaerarekin, irakasleen kalitatearekin, nazioartekotzearekin, ikasketa planarekin, tituludunen emaitza akademiko eta profesionalekin eta ikasleen eskura jarritako baliabide eta zerbitzuekin lotuta.
Europako Batzordeak 2004an hautatu zuen NOHA masterra Erasmus Mundus lehen programetako bat izateko, eta gaur egun Europako zortzi unibertsitatek osatutako nazioarteko partzuergo batek ematen du, arlo humanitarioan espezializatutako 14 zentro elkarturen eta erakunderen laguntzarekin.
Aitorpen berri horrek berretsi egiten du Deustuko Unibertsitateak bikaintasuneko prestakuntza emateko duen konpromisoa, nazioartekoa eta diziplinartekoa, erronka humanitario globalei zorroztasunez, erantzukizunez eta giza eskubideen arloko oinarri sendoa emanez erantzuteko gai diren profesionalak prestatzera bideratua.
