2026ko ekainak 16
Bilbao
Deustuko Unibertsitateak Ikerketa Eguna ospatu zuen ekainaren 10ean, Unibertsitatean egiten ari den ikerketa-lana partekatzeko eta azaltzeko, taldeen arteko topaketa bultzatzeko eta arlo zientifikoan lortutakoak ospatzeko eguna. Helburu horiek Deustuko Unibertsitateak eta Banco Santanderrek ikerketari emandako sarien banaketako ekitaldian ikusi ziren, Unibertsitateak ezarritako lau ikerketa fokuetako bakoitzean nabarmendutako lanen aurkezpenean, baita 11 ikerketa bikaini Deusto Research Social Impact zigiluak emateko ekitaldian ere.
Deustuko Unibertsitatearen eta Banco Santanderren ikerketa sariak banatu ondoren, jardunaldia barne giroan egin zen, Deustuko Unibertsitateak ezarri dituen lau ikerketa fokuetako bakoitzean proiektu nabarmenenetako batzuk aurkeztu baitziren. Horrela, ‘Demokrazia plural eta inklusiboetan ', Matthias Scantamburlok estatu plurinazionaletan gertatzen ari den birzentralizazio demokratikoa jorratu zuen;‘ Eraldaketa digitalean', Antonio Masegosak SOTERIA proiektua aurkeztu zuen, kolektibo zaurgarrientzako hiri-mugikortasun segurua helburu duena; Trantsizio ekologikoan, Ekhi Atutxak gogoeta egitera gonbidatu gintuen ‘Munduen artean bizitzea: diziplinek gainezka egitea, komuna dena posible egiteko’; ‘Osasuna, ongizatea eta kohesio soziala’ jorratzen duen fokuan, Carlota Las Hayasek REBITA proiektua azaldu zuen, elikadura jokabidearen nahasmenduak dituzten pertsonentzako eta zaintzaileentzako esku hartzeetan zentratuta.
Deusto Research Social Impact zigiludun proiektuak
Ikerketa Egunean, 2026ko Deusto Research Social Impact zigilua lortu duten 11 proiektuei eman zitzaizkien ziurtagiriak. Hauek dira bikaintasun sari horiek jaso dituzten ikerketak: RECED, Redes eléctricas para la descarbonización de la economía y la competitividad, Macarena Larrearena; ASPE-PV, Aceptación Social de Proyectos Energéticos en el País Vasco, Stephanía Mosquerarena; REBITA, Conceptualización de una intervención en resiliencia y bienestar mental para trastornos alimentarios, Carlota Las Hayasena ; PRECIOUS Addressing the Environmental Impacts Of Food Loss And Waste Prevention And Its Rebound Effects, Deitze Otaduyrena; LDZD, Lan Duina Zaintza Duina, María Lópezena; EVOLUTION Educación, valorización y acompañamiento a jóvenes en situación de protección de la infancia y la adolescencia, Edurne Gonzálezena; EASPPM, Evaluación y análisis del nuevo sistema de puntuación en Pelota Mano, Eneko Sánchezena; FrailPow, Impacto de diferentes intervenciones basadas en entrenamiento de fuerza/potencia sobre la calidad muscular, funcionalidad y ómicas multiparamétricas en adultos mayores frágiles, Xabier Ríorena; SMARTJAN , Solución tecnológica basada en inteligencia artificial y sensores NIR para la detección temprana de alérgenos a la proteína LTP, Begoña García-Zapirainena; AmIAire, Ciencia ciudadana y deporte en el aula para monitorizar la calidad del aire y sensibilizar sobre su impacto ambiental, Diego Casadorena; eta SokaHealth, Contrato de servicio con la Federación Internacional de Sokatira, Arkaitz Castañedarena.
Jardunaldia amaitzeko, azken ikasturteetako ikasleei eta ikertzaile berriei eskainitako saio bat egin zen, Deustuko Unibertsitatean ikerketa karrera hasteko bide-orria eta Deustuko bi ikertzaileren doktorego aurreko eta osteko etapen testigantzak ezagutarazteko.
