2023ko ekainak 01
Bilboko Campusa
THE Impact Ranking-a nazioarteko ranking ospetsuak Deustuko Unibertsitatea munduko 43. postuan eta Espainiako 1. postuan kokatu du 11. GJHa (hiri eta komunitate jasangarriak) betetzen, bost kontinenteetako 112 herrialde baino gehiagoko 1.591 unibertsitateren artean.
THE Impact Ranking-ak urteko ebaluazioa argitaratu du gaur. Ranking garrantzitsu horrek goi-mailako hezkuntza erakundeek Nazio Batuek ezarritako GJHen lorpenean duten eragina eta egiten duten ekarpena ebaluatzen ditu. Edizio honetan, bost kontinenteetako 98 herrialde baino gehiagoko 1591 unibertsitateri buruzko informazioa bildu eta ebaluatu da.
Deustuko Unibertsitatea bikain kokatu da funtsezko hainbat arlotan, eta emaitza bikainak lortu ditu Garapen Jasangarrirako 8. eta 11. helburuetan. DU unibertsitate ezaguna da enpresa sektorearekin duen lankidetza estuagatik, praktikengatik eta profesional etiko eta arduratsuen prestakuntzan duen ikuspegiagatik (8. GJH). Gainera, ranking-ak aparteko eran balioetsi du Deustuko Unibertsitateak egin duen ekarpena hiriak inklusiboagoak eta jasangarriagoak izan daitezen (GJH 11.), eta nabarmendu du bertoko kultura eta ondarea babestea, eta politikak ezartzea campusetan.
Horrek guztiak erreferentziazko unibertsitatea dela berresten du, mundu inklusibo eta jasangarriagoarekin duen konpromisoagatik, eta murgilduta dagoen lurraldearen kulturari eta garapen ekonomikoari egiten dion ekarpenagatik.
Ranking horretan Deustuk izan duen arrakasta nazioko eta nazioarteko hainbat sailkapenetan lortu berri diren emaitzei gehitu behar zaie; esaterako, CyD ranking-ean (DU Espainiako 7. unibertsitatea da, eta EAEko 1.a errendimendu handiko adierazleetan) edo Financial Times-en ranking-ean (DU enpresen neurrirako prestakuntzan munduko 60 negozio-eskola onenen artean dago).
Juan José Etxeberria errektorearen hitzetan, “emaitza horiek agerian uzten dute Deustuko Unibertsitateak pertsonaren prestakuntza osoarekin duen konpromisoa, pertsona guztientzako etorkizun bidezkoagoa eta jasangarriagoa eraikitzeko. Gure unibertsitatea harro dago aitorpen horrekin, eta GJHak sustatzeko lanean jarraitzeko konpromisoa berresten du, gure 2023-2026 Plan Estrategiko berriaren esparruan ekimen eta proiektu berriak bultzatzeko asmoz.
