2026ko urtarrilak 20
Deustuko Unibertsitatea
Datorren urtarrilaren 20an, Gorputz Hezkuntzako eta Kiroletako Sare Globaleko presidenteak, Domingo Blázquez doktoreak, Euskal Autonomia Erkidegoko (EAE) hainbat erakunderekin egingo den laneko jardunaldi batean parte hartuko du gonbidatu gisa, prestakuntzako eta ikerketako lankidetzarako sinergiak bilatzeko. Topaketa 9:30etik 13:00etara izango da, Deustuko Unibertsitateko Prentsa aretoan (Bilboko campusa).
Gorputz Hezkuntzarekin lotutako gaiak lantzeko mahai bat egongo da: Gorputz Hezkuntzaren kalitatea, Gorputz Hezkuntzaren ebaluazioa, lanbidearen errealitatea, Gorputz Hezkuntzako prestakuntza eta Generoa eta Gorputz Hezkuntza. Mahai horretan egongo dira Eusko Jaurlaritza, Jarduera Fisikoaren eta Kirolaren Zientzietako Lizentziatuen Elkargoa, Gorputz Hezkuntzako Irakasleen Elkartea eta, Deustuko Unibertsitateko irakasle eta ikertzaileez gain, beste erakunde batzuk ere.
Beste lan-mahai batean, EAEko eskola-kirolaren egoera aztertuko da modu monografikoan. Mahai horretara hiru foru aldundietako ordezkariak gonbidatu dira, Eskola Kirolaren arloan eskumena dutelako, baita gaian interesa duten unibertsitateko irakasle eta ikertzaileak ere.
