2026ko urtarrilak 20
Donostiako Campusa
Urtarrilaren 20an, San Sebastian egunean, Deustuko Unibertsitateak, 2016az geroztik egiten duen bezala, Donostiako ohiko danborradan parte hartuko du, sukaldari eta urketariek osatutako konpainian. Taldea ikasleek, ikasle ohiek, irakasleek eta unibertsitateko zerbitzuetako langileek osatua egongo da, erakundetik hurbileko beste pertsona batzuekin batera. Aurten Deustuko Unibertsitateko errektore Juan José Etxeberria (SJ) jaunak eta Donostiako campuseko eta Harreman Instituzionaletako errektoreorde Mª José Arangurenek ere parte hartuko dute. Carolina Kutz konpainiako Danbor Nagusiak adierazi duenez, "urtetik urtera handiagoa da konpainiarekiko eta hiriko jaiegunarekiko partaide sentimendua. Egun horretan, emozioa, ilusioa eta tradizioa partekatzen dira, ez dago desberdintasunik".
Ibilbidea Unibertsitatean bertan hasiko da. Banderaren igoera Juan José Etxeberria (SJ) errektoreak egingo du, 8:30ean, Konpainia 8:45ean aterako da kanpusetik eta une horretatik aurrera, Bilbo plazaraino joango dira jotzen, han ONCEren danborrada batuko delarik. Geldialdi txiki baten ondoren, konpainiak Andia kaleko jesuiten elizaraino jarraituko du. Han, San Sebastian Martxa eta San Inazioren Ereserkia interpretatuko dira elizaren barruan. Ondoren, Andia, Hernani eta Loiola inguruak zeharkatuko dira, Artzain Oneraino, eta han Kutxako Langileen Danborradarekin batera joko dute. Deustuko Unibertsitateko konpainiari harrera egingo diote Gizartea Elkarteak, bere Danbor Nagusiak eta presidenteak. Ibilbidea amaitzeko, Vallesen aurrean Donostiako Martxa interpretatuko da.
