2023ko irailak 21
Bilbao
UNIC- European University of Post-Industrial Cities Europako proiektuaren esparruan, Deustuko Unibertsitateko hainbat doktoretza-programatako ikasle talde batek (Giza Garapenerako Aisia, Kultura eta Komunikazioko Programa; Informazioaren eta Garapen Jasangarriaren Gizarterako Ingeniaritzako Programa eta Osasun, Ongizate eta Bioetikako Programa) "Aging well in postindustrial cities" Summer Schoolean parte hartu du (2023ko irailaren 17-23), Liejako Unibertsitateak (Belgika) antolatuta, UNICi lotutako beste bost unibertsitateren laguntzarekin: Bochum (Alemania), Deusto (Espainia), Oulu (Finlandia) eta Erasmus Rotterdam (Herbehereak).
Egun hauetan, eta nazioarteko elkarsorkuntzako eta lankidetzako dinamiken bidez, etorkizuneko doktoreen taldeak zahartzearen fenomenoaren egoera aurkeztu du Espainian. Hiri postindustrialen memoriak "ondo" zahartzeko aukeretan duen eragina ikertu dute. Horretarako, elkarrizketak egin dizkiete Liejan bizi diren adinekoei, eta gai horren inguruan Europan datozen urteetan ikerketak izango dituen erronkak ere aztertu dituzte.
UNIC Europa osoko hamar unibertsitatek osatutako aliantza da, eta bere helburua ezagutzaren garapena eta baterako sorkuntza sustatzea da, lankidetzaren, berrikuntzaren eta gizarteratzearen bidez, garapenerako eta eragin sozialerako.
