2025eko abenduak 05
Bilboko Campusa
2025eko abenduaren 5etik 8ra, Durangoko Azokak 60 urteko ibilbidea osatuko du, baina urteurren horren ospakizunean soilik zentratu beharrean, data hori baliatuko du urte hauetako guztietako ibilbidearen balioa azpimarratzeko. Horrela, aurten azoka berrasmatu egingo da, urtero eslogan berri bat sortzeko dinamika eraldatuz. Horretarako, aurtengo ediziotik aurrerakoetan erabiliko den ikur-hitza argitaratu du: “Kulturaren Jaialdia”.
Izan ere, Durangoko Azoka kultur adierazpen ezberdinak, euskarazko sorkuntza eta artista zein jarraitzaileak batzen dituen kultur jaialdia da. Topaketa profesionala eta herrikoia da, bisitariei beren nortasun kulturala bizitzeko, ospatzeko eta garatzeko aukera ematen diena.
Deustuko Unibertsitateak, urtero bezala, stand propioa izango du eta 4 argitalpen berri aurkeztuko ditu eta euskarazko edo euskal hizkuntza eta kulturari lotutako 40 izenburu baino gehiago erakutsiko ditu.
Informazio gehiago: https://durangokoazoka.eus/eu.
