2023ko ekainak 13
Bilboko Campusa
Deustuko Unibertsitateak ekainaren 13an inauguratu du José Ellacuría SJ bilduma, Santiago Rupérez eta familiaren dohaintzaren emaitza. Bilduma Asiako artearen 300 pieza baino gehiagok osatzen dute. Legatua Asiako hainbat herrialde, erlijio eta kulturatatik dator (estatuak, zeramika, terrakota, jadea, marfilak, harri/marmolezkoak, grabatuak, laminak, etab.). Emailea, Donostian familia zuen errioxar jatorriko enpresaburu eta diplomazialaria, Txinan egon zen urteetan zehar erosten eta bilduma egiten joan zen.
Bildumaren izenak José Ellacuría SJ, Ignacio Ellacuria SJren anaia, aipatzen eta ohoratzen du. Ignacio Ellacuría SJk Taiwanen eman zuen bizitzaren zatirik handiena, eta han oso maitatua izan zen gizarte ekintzetan parte hartu zuelako. Javier Torres Ripak osatu du Santiago Rupérezek berak hasitako katalogazioa, eta Gradu Aretoan jarri den erakusketa honen komisarioa da.
Multzo artistikoak estatua, zeramika, terrakota, jade, marfilak, harrizko/marmolezko estatua, grabatu eta lamina ugari ditu, besteak beste. Neolitikoaz geroztik, duela 6.000 urte, dinastia eta garai desberdinetatik etorritako lanak, gehienak XIX. mendekoak badira ere. Erakusketan José Ellacuría SJren obra bat dago: “errukia eta justizia” terminoak sinbolizatzen dituen piktograma bat.
Inaugurazio ekitaldia
Inaugurazio ekitaldian, Gradu Aretoan, Juan José Etxeberria errektoreak, Santiago Rupérezek eta José Ellacuríaren familiak hartu dute parte. José María Guibert Deustuko errektore ohiak, José María Etxeberria Unibertsitateko Gobernu Kontseilukoak eta Javier Torres Ripa erakusketaren komisarioak ere parte hartu dute. Azken honek adierazitakoaren arabera, "erakusketa honen ezaugarri baliotsua multzoa da, pieza bakoitzaren berezitasuna gainerakoen artean". Bertaratutakoen artean Miguel Zugaza Bilboko Arte Ederren Museoko zuzendaria egon da, baita beste agintari batzuk ere.
