2026ko martxoak 09
Bilbao
Deustuko Unibertsitateak martxoaren 9tik 11ra Filipinetan egiten den Jesuiten Unibertsitateen Ikerketarako Aliantza Globalaren (GRAJU) hasierako sinposioan parte hartzen du. Topaketa hori ez da soilik hitzordu akademiko bat izango, sare estrategikoa abian jartzea ere izango da –2025eko abuztuan sortu zuten ofizialki jesuiten unibertsitateek, eta horien artean dago Deustuko Unibertsitatea–, mundu mailako ikerketa bateratua sustatzeko.
«The AI Frontier and the Distinctives of Global Jesuit Higher Education» izenburupean, nazioarteko akademiko, hezitzaile eta liderrak bilduko dira, sortzen ari diren teknologiak nola aprobetxatu eztabaidatzeko baina giza duintasuna defendatuz, prestakuntza aberastuz eta etorkizun itxaropentsuagoa eraikiz. Gai hori Deustuko Unibertsitateak Adimen Artifizialaren inguruan duen jarrerarekin lotzen da, erakundearen maila guztietan ikuspegi etiko eta arduratsua baitu oinarri.
Deustuko Unibertsitateko ordezkaritza
Unibertsitatearen ordezkaritzak, Juan Jose Etxeberria errektorea eta Javier Arellano Ikerketako eta Nazioarteko Harremanetako errektoreordea buru direla, zeharkako ikuspegia du ezaugarri, Manilara AAren giza eta gizarte inpaktuari buruzko abangoardiako hamar bat ikerketa baitaramatza. Lan horien artean, adimen artifizialaren bidez irakasleei laguntza integrala emateari buruzko proiektuak daude: Iker Pastorren (Ingeniaritza) pertsonalizaziorako urratsa eta Ernesto Panaderoren (Hezkuntza eta Kirola) AAsortzailearen garaiko ikaskuntzaren birplanteamendua, besteak beste. Nabarmentzekoak dira, halaber, hezkuntzan AAri buruzko pertzepzioen azterketa, Jessica Pañosek eta Iratxe Menchacak (Hezkuntza eta Kirola) zuzenduko dutena, eta AAn alfabetatzea ignaziotar paradigma pedagogikoaren argitan, Bernadette Louise Halilik (Gizarte eta Giza Zientziak) egingo duen .
Generoak eta alborapenek ere bere lekua izango dute Sinposio honetan. Hala, Wikipediako genero alborapenaren auditoria algoritmikoa azalduko da AAren bidez. Cristina Giménezek (Ingeniaritza) eskainiko du auditoria hori, eta Miren Gutierrezek eta María Jesús Pandok (Gizarte eta Giza Zientziak) ikasketa komunitateak eta etorkizuneko curriculumak eraikiko dituzte, edo STEAM diziplinetako berdintasunerako estrategiak, Cristina Giménezek bideratuta. Gainera, Sonia Alonsok (Gizarte eta Giza Zientziak) adimen artifizialak hauteskundeetako informazioan duen eraginaz hitz egingo du, Ana Estevezek (Osasun Zientziak) faktore biopsikosozialek pantailen aurrean duten eraginaz, eta Marta Encisok (Zuzenbidea) ekonomia sozialari buruz, trantsizio digital, ingurumeneko eta sozial hirukoitzaren aurrean.
Inpaktu globala duen konpromisoa
GRAJU aliantza abuztuaren 4an eratu zen, eta Manilako Ateneoak (Filipinak), Forham-ek (AEB), Georgetownek (AEB), ITESOk (Mexiko), Sogang-ek (Hego Korea) eta Namur-ek (Belgika) osatzen dute, Deustuko Unibertsitateaz gain. Aliantza erakunde jesuita horiek bikaintasun akademikoarekin, justizia sozialarekin eta guztion onerako zerbitzuarekin duten konpromiso partekatutik sortu da. Helburu estrategikoen artean, hauek aipatu daitezke: premiazko erronka globalei buruzko baterako ikerketa proiektuak bultzatzea, jesuiten balioekin lerrokatuta; nazioarteko truke akademikoak sustatzea; diziplinarteko berrikuntza sustatzea, eta lankidetzarako finantzaketa bilatzea estatuko eta nazioarteko funts eta dirulaguntzen bidez.
Deustuko Unibertsitatearentzat, sare horren sortzaile izateak nazioartean duen proiekzioa indartzen du, eta teknologikoki aurreratua ez ezik, sozialki arduratsua eta etikoki sendoa izango den ikerketaren aldeko apustua sendotzen du. Horregatik, Unibertsitateak GRAJUren lehen ekitaldi handi honetan parte hartzeak indartu egiten du helburu hori, eta, aldi berean, estutu egiten du Jesusen Lagundiarekin mundu mailan egiten den sareko lana.
