2011eko irailak 20
Bilboko Campusa
Ikastaroaren hasierarekin batera, Athenseko (Georgia, AEB) Unibertsitateko Douglas Kleiber irakaslea etorriko da bisitan, Ikerbasqueren eskutik. Irakasle hau zahartze aktiboan aditua da. Nazioartean ospe handia duen ikertzaile horrek Georgiako Unibertsitatean egin du karrera akademikoa eta munduan aisia eta giza garapenari buruz dagoen sail gutxi horietako bat zuzendu du. Ikerketan, aparteko arreta eskaintzen dio aisia osasungarriari, bizitzan zeharreko aisiako ibilbideei eta gutxiengoei. Horrez gain, aisiazko ikaskuntzen arloan osperik handieneko Amerika eta mundu mailako sareetan aparteko inplikazioa du.
Kultura eta Elkartasuneko Unibertsitate Tituluduna Ociobiden txertatuta dagoen prestakuntza programa bat da (Prestakuntza aisia gisa), Deustuko Unibertsitateko Aisiazko Ikaskuntzen Institutuaren barruan. Ikasteko modu berri bat da, hainbat gairen inguruko prestakuntza jasotzeko bidea ematen duena: lan intelektualerako teknikak, aisia eta bizi kalitatea, artea ulertzeko eta gozatzeko gakoa, erabateko osasunari buruzko ezagutzak, giza komunikazioa, giza eskubideak, etika, historia, musika, literatura, erlijio handiak eta zinea, besteak beste. Gai praktiko horiek lantzen jarraitu daiteke, antzerkia, arkeologia, kirol, informatika edo bildumazaletasuna bezalako jarduerekin.
Aisiazko Ikaskuntzen Institutua, 1988an sortua, aisiaren ikerketan, ezagutzan eta prestakuntzan diharduen unibertsitate zentro bakarra da.
