Antonio Freije, Honoris causa doktorea, Salvadorreko Unibertsitatean

Salvadorreko Unibertsitateko (USAL) Administrazioaren Zientzia Fakultateak, pasa den ekainaren 1ean, honoris causa doktoregoa eman zion Antonio Freijeri; Deustuko Ekonomia eta Enpresa Zientzien Fakultateko (La Comercial) dekano ohia da eta USALeko irakasle gonbidatua, Enpresen Zuzendaritzako Masterrean, 1988. urtetik. Zeremonian, Freije irakaslea honakoaz mintzatu zen: La dirección de empresas como sistema para la creación de riqueza y su distribución. Topaketa akademikoko parte-hartzaileen artean, Juan Alejandro Tobías USALeko errektoreaz gainera, USAL Administrazioaren Zientzia Fakultateko dekanoa ere egon zen, Aquilino López Diez.
Berriak

2011eko ekainak 08

Bilboko Campusa

Antonio Freije Zuzenbidean doktorea eta Deustuko Unibertsitateko Ekonomia eta Enpresa Zientzietan lizentziatua da; bertan, dekanoaz gainera, Enpresen Zuzendaritzako Nazioarteko Institutuko zuzendaria, zenbait doktoregoko tesitako zuzendaria eta Estrategiako katedraduna ere bada. Deustun egiten duen lan akademikoaz gain, Antofagastako Unibertsitatean (Txile) eta USALen irakasle bisitaria ere bada.

Ikastaroak, hitzaldiak eta mintegiak eman ditu, exekutiboentzat, Europako, Brasilgo eta Argentinako enpresetan. Erakundeetako kudeaketari eta zuzendaritza estrategikoari buruzko zenbait libururen autorea da, eta enpresa-kudeaketan espezializatutako aldizkarietan hainbat artikulu argitaratu ditu.

Era berean, Espainiako enpresetako eta estatuko erakundeetako aholkularia da, plangintza estrategikoko gaietan, bai eta Latinoamerikako Hegoaldeko Deustu Sareko presidentea ere; Sareak akademikoki lotzen ditu Deustuko Unibertsitatea eta Latinoamerikako beste unibertsitate batzuk.

Antzerako berriak