DeustoForum 1989an sortu zen gizartearengandik hurbileko topagunea izateko helburuarekin. Garai hartan, aldaketa sakonak ikusi genituen gizarte, politika, ekonomia eta kultura esparruan, eta bereziki egokia zen elkarrizketa eta ikuspuntu pluralak lasaitasunez partekatzeko ekimenak izatea.
Argudio horrek erabat indarrean jarraitzen du gaur egun ere; «aldaketa azkarreko mundu batean bizi gara, maila soziopolitiko, ekonomiko eta sanitario handiko gertaerek astinduta». Horregatik, gizarte gisa ditugun erronkek inoiz baino beharrezkoago egiten dute unibertsitate erakunde baten zorroztasunarekin topo egitea, gogoeta egitea eta hitz egitea.
DeustoForum Deustuko Unibertsitateak hartutako konpromisoaren beste adierazle bat da; izan ere, bere irakaskuntza- eta ikerketa-jardueran sortutako ezagutza transferitu eta gizarteari ezagutarazi nahi dio. Hori guztia guztiontzako gizarte hobeagoa eraikitzeko helburuarekin.
