KIROLABilboko Campusa

Klubak bi maila izango ditu, bata hastapenekoa eta bestea aurreratuagoa, pertsona bakoitzaren beharren arabera. Monitore espezializatu bat dugu, hastapen-taldearearekin irteerak egingo dituena eta maila aurreratuko kideei aholkuak emango dizkiena.

• Izen ematea: 30€ urte osoan
• Hasiera maila: astelehen eta asteazkenetan 14:00etatik 15:00etara
• Maila aurreratua: jarraibide pertsonalizatuak

Eman izena hemen

Klubean ibilbideak, entrenamendu saioak eta korrikaldiak egin eta bizikletan eta igerian lehiatu ahal izango zara unibertsitateko elkarteko kideekin.

Egin bat Deusto Campuseko Strava klubarekin eta hainbat sari jasotzeko aukera izango duzu.

Kirol-instalazioak erabili ahal izango dituzte eta arau hauek bete beharko dituzte:

• Aurtengo ikasturtean, Deustuko Unibertsitateko fakultate eta institutuetako graduko eta graduondoko ikastaro arautuetan matrikulatutako ikasleek eskatu ahal izango dituzte, Deustuko Unibertsitateko txartela edo NANa eta matrikularen frogagiria erakutsita.
• Irakasleek eta Administrazio eta Zerbitzuetako langileek Deustuko Unibertsitatekoak direla agiri bidez justifikatuko dute.
• Deustuko Ikastetxe Nagusiko egoiliar guztiek. Horretarako, ikasturte hasieran, Ikastetxe Nagusiak Deustuko Unibertsitatekoak ez diren ikasleen zerrenda bat emango dio Kirol Sailari.
• Alumnien deskontuaz baliatzeko, beharrezkoa da instalazioa erabiliko duten pertsona guztiak bazkide izatea eta txartela aurkeztea.
• Deustuko Unibertsitatetik kanpoko pertsonak kirol-instalaziora sartzeak 8 euroko kostua izango du pertsona eta erabilera bakoitzeko.
• Pertsona guztiak Deustuko Unibertsitatekoak ez badira, instalazioaren zenbateko osoa ordainduko da.
• Abonuak esteka honen bidez egin behar dira beti, eta Xabier Kirolgunearen kontroleko garitan erakutsi ordainagiria espazioa erabili aurretik.
• Kirol instalazioak astelehenetik ostiralera erreserbatu ahal izango dira, 8:00etatik 20:00etara, irailaren 1etik ekainaren 30era arte, eskola egutegiko jaiegunetan izan ezik. Uztailean astelehenetik ostiralera erreserbatu ahal izango dira, ordutegi jarraituan, 08:00etatik 14:00etara.

7ko futbol zelaia

• Orduko prezioa 140 €
• ALUMNIentzako orduko prezioa 112 €
• DUko ikasleentzako eta langileentzako prezioa 0 €*

Kirol anitzeko pista

• Orduko prezioa 110 €
• ALUMNIentzako orduko prezioa 88 €
• DUko ikasleentzako eta langileentzako prezioa 0 €*

Saskibaloiko kantxa 

• Orduko prezioa 110 €
• ALUMNIentzako orduko prezioa 88 €
• DUko ikasleentzako eta langileentzako prezioa 0 €*

Kiroldegia

• Orduko prezioa 120 €
• ALUMNIentzako orduko prezioa 96 €
• DUko ikasleentzako eta langileentzako prezioa 0 €*

Padel pista

• Orduko prezioa 30 €
• ALUMNIentzako orduko prezioa 24 €
• DUko ikasleentzako eta langileentzako prezioa 0 €*

• Kirol instalazioak astelehenetik ostiralera erreserbatu ahal izango dira, 8:00etatik 20:00etara, irailaren 1etik ekainaren 30era arte, eskola egutegiko jaiegunetan izan ezik. Uztailean astelehenetik ostiralera erreserbatu ahal izango dira, ordutegi jarraituan, 08:00etatik 14:00etara.
• “@opendeusto” eta “@deusto” kontua duten erabiltzaileek booking.deusto.es bidez egin beharko dute erreserba.
• Unibertsitatetik kanpoko erabiltzaileek erreserba eskatu beharko dute kirolak@deusto.es helbidera idatziz.

• Kirol instalazioak unibertsitateko espazioak dira eta portaera egokia izan beharko da espazio horietan. Erabiltzaileek gainerako pertsonak, instalazioak eta arauak errespetatuko dituzte, eta garbi jokatuko dute.
• Instalazioak ordu baterako edo 2rako baino ezin izango dira erabili.
• Erreserba bakoitzeko gutxieneko parte-hartzaile kopurua eskatuko da: 7ko futbol zelaian, 10 pertsona; 1. eta 2. pistetan, 8 pertsona; eta 3. pistan, 4 pertsona.
• Instalazioa erabili aurretik, kirol-instalazioan dagoen bulegora joan behar da, erabiltzailea identifikatu ahal izateko.
• Nahitaezkoa da identifikazioa eramatea instalazioan sartzean, bertan egonda, edozein unetan eskatu ahal izango baita.
• Kirol arropa egokia erabiliko da kirola egiteko.
• Erabat debekatuta dago aldageletako armairuetan giltzarrapoa jarrita uztea, kirol instalaziotik irten ondoren. Segurtasuna dela eta, gauero irekiko dira itxita dauden armairuak; barruan ezer aurkituz gero, harreran gordeko da 15 egunez.
• Erreserba egiten duena izango da DUtik kanpoko pertsonen sarbidearen arduraduna. Haren betebeharra da kideak identifikatzea eta gonbidatuen ordainketa-egiaztagiria erakustea.
• Gaizki erabiltzea eta/edo portaera desegokia izatea izango da instalazioen erabilera ukatzeko arrazoia.
• Taldeko arduradunari kirol materiala (baloiak, petoak, etab.) utziko zaio baldin badago, aldez aurretik identifikatzeko dokumentua emanda. Kirol materiala itzultzen duenean bueltatuko zaio agiria.
• Ezin da erre ezta jan ere kirolgune osoan.
• Lehiaketa ofizialetan baino ez da erabiliko markagailu elektronikoa.
• Saskibaloiko saskiak instalazioko langileek baino ezin izango dituzte maneiatu.
• Deustuko Unibertsitatea ez da kirolariari instalazioak erabiltzean gerta dakiokeen ezein istripuren erantzule izango.
• Arau-hauste eta zehapenetarako, Deustuko Unibertsitateko 2015eko uztailaren 24ko Ikasleen Araudian xedatutakoak aplikatuko dira.

Lehiaketen barruan, Unibertsitateak hainbat talde ditu eremu federatuan parte hartzen, unibertsitate eta probintzia, autonomia eta estatu mailan. Gure Unibertsitateko edozein fakultatetako 1., 2. edo 3. zikloan matrikulatutako ikasle guztiek parte har dezakete taldeetan. Izena emateko epea zabalik dago urriaren amaierara arte.

Talde hauek ditugu: gizonezkoen eskubaloi taldea, gizonezkoen eta emakumezkoen saskibaloi taldea, gizonezkoen patinen gaineko hockeya eta emakumezkoen boleibola. Taldeetan parte hartu nahi baduzu, jaso informazioa Kirol Sailean, eraikin nagusiko bigarren klaustroan. 

PARTE-HARTZAILEAK

Pertsona hauek parte hartu dezakete Espainiako Unibertsitate Txapelketetan:

• Hiru zikloetako edozeinetan ikasleak direla egiaztatzen dutenek: estatu osoan ofizialak eta baliozkoak diren gradua, master eta doktoregoko ikasleek.
• Banakako/binakako kirolak: Dagokion kirol-federazioan federatuta daudela egiaztatzen dutenek eta, halakorik izanez gero, txapelketak ezarritako gutxieneko marka betetzen dutenek. 
• Taldeko kirolak: Euskadiko Txapelketa irabazi eta talde bat osatua dutenek, modalitate horretan taldeko kirolarien % 70 federatuak badira.
• Unibertsitateak antolatutako barne-txapelketetan parte hartzea edo Unibertsitateak Euskadiko Unibertsitate mailako Kirol Txapelketan duen ordezkaritzako kide izatea positiboki baloratuko da, eta garrantzia izango du azken erabakian, baldin eta pertsona edo bikote batek baino gehiagok modalitate bereko plaza bat lortzeko aukera badu.
• Deustuko Unibertsitateko Kirol Sailak ezartzen dituen baldintza teknikoak betetzen baditu.

EGUTEGIA

Urtero zehaztuko dira, unibertsitate antolatzaileek eta Espainiako federazioek adostuta. Kontuan hartuko dira egutegi akademikoak, azterketa partzialen datak eta lehiaketa federatuen datak. Iaz kirol hauek eskaini ziren:  xakea, atletismoa, badmintona, krosa, eskalada, esgrima, golfa, judoa, karatea, igeriketa, orientazioa, padela, arrauna, taekwondoa, tenisa, mahai-tenisa, arku-tiroa, triatloia, bela, hipika, gizonezkoen eta emakumezkoen saskibaloia, gizonezkoen eta emakumezkoen eskubaloia, gizonezkoen futbola, gizonezkoen eta emakumezkoen areto-futbola, gizonezkoen eta emakumezkoen errugbia, gizonezkoen eta emakumezkoen boleibola, gizonezkoen eta emakumezkoen hondartzako boleibola eta gizonezkoen waterpoloa.

Espainiako Unibertsitate Txapelketetako kirolen batean parte hartu nahi baduzu, mesedez, bete inprimaki hau eta zurekin harremanetan jarriko gara.

• 7ko futbola: izen-ematea otsailaren 16ra arte. Txapelketaren hasiera: otsailaren 23an. Tokia: Xabier Kirolgunea 
• Areto futbola: izen-ematea otsailaren 21era arte. Txapelketaren hasiera: otsailaren 28an. Tokia: Xabier Kirolgunea
• 3ko saskibaloia: izen-ematea otsailaren 21era arte. Txapelketaren hasiera: otsailaren 28an. Tokia: Xabier Kirolgunea
• Ikasleen padela: izen-ematea otsailaren 21era arte. Txapelketa: martxoaren 8an eta 9an. Tokia: Xabier Kirolgunea
• Langileen padela: izen-ematea otsailaren 21era arte. Txapelketa: martxoaren 16an. Tokia: Xabier Kirolgunea
• Tenisa: izen-ematea otsailaren 16ra arte. Txapelketa: otsailaren 22an. Tokia: Txurdinagako kiroldegia.
•  Frontenisa: izen-ematea otsailaren 16ra arte. Txapelketa: otsailaren 22an. Tokia: Txurdinagako kiroldegia.
• Pala: izen-ematea otsailaren 16ra arte. Txapelketa: otsailaren 22an. Tokia: Txurdinagako kiroldegia.
• Esku-pilota: izen-ematea otsailaren 16ra arte. Txapelketa: otsailaren 22an. Tokia: Txurdinagako kiroldegia.

LEHIAKETAK:

Deustuko Unibertsitateko barne-txapelketen egutegiak eta araudia

Aurkitu seihileko bakoitzeko barne-txapelketen egutegi guztiak eta bakoitzaren araudia:

TXAPELKETAK