ElkartasunaBilboko Campusa

GJH: 4. Kalitatezko hezkuntza, 5. Genero berdintasuna, 16. Bakea, justizia eta erakunde sendoak.

Pertsona guztiok ditugu gatazkak, desadostasunak eta gaizki ulertuak beste batzuekin (familian, lagunartean, bikotekidearekin, etab.). Gatazkak saihestezinak dira, gure gizarte-bizitzaren parte dira, eta behar bezala kudeatzen ez direnean, emaitzak kaltegarriak izan daitezke gure pertsonen arteko harremanetarako, baina gatazka bat behar bezala konpontzeko gai garenean abantaila asko lortzen ditugu: beste pertsonarekiko harremana sendotzen dugu, aldaketa garrantzitsuak lortzen ditugu gure baitan, pertsona gisa hazteko aukera emanez.

HELBURUA:

Eguneroko gatazkak modu eraikitzailean kudeatzeko tresnak eta teknikak eskuratzea.

EDUKIA:

• Parte hartzaileen arteko bitartekaritza eta gatazkak kudeatzeko bestelako teknikak ezagutzea.
• Gatazka eta haren dinamika ikuspegi eraikitzailetik ulertzea.
• Unibertsitate komunitateko kideek aurre egin behar dieten eguneroko gatazken gorakadari aurrea hartzea.
• Komunikazio eraginkorrerako eta arazoak konpontzeko trebetasunak eta tresnak eskuratzea.
• Gatazka egoeretan haserrea eta beste emozio bizi batzuk maneiatzeko estrategiak entseatzea.
• Interesetan oinarritutako negoziazio prozesua ezagutzea eta praktikatzea.
• Bitartekaritza prozesua ezagutzea eta praktikatzea.

METODOLOGIA:

Metodologia esperientzial, dinamiko eta parte hartzailea erabiltzen da, «irakaskuntzaren dimentsioa» barik «ikaskuntzarena» indartzen duena, talde lana eta esperientziak trukatzea sustatzen duena, trebetasun eta abilezia praktikoak eskuratzeko oinarri gisa.

Prestakuntza saioak teorikoak eta praktikoak izango dira: azalpen teorikoak eta ariketak eta/edo adibideak bateratuko dira garatutako kontzeptuen inguruan.

Ikastaroa Gatazka Eraldatzeko Unibertsitate Zentroarekin (Geuz) batera ematen da.

• Data: 2023ko azaroak 9, 16, 23 y 30
• Ordua: 15:00 - 18.00
• Modalitatea: Presentziala
• ECTS: 1
• Parte hartu izanaren agiria
• Materialak ematea

Toki kopuru mugatua

Matrikula

Idazkaritza birtuala

GJH 4, 5, 10 eta 16

Une batetik bestera, ezagutzen duzun pertsona bat aldatu egin da, ez du institutura joan nahi, ez du ikaskide batekin geratu nahi etxeko lanak egiteko, ezta irteteko ere; gizarte sareetako kontuak itxi ditu eta, gainera, triste dago. Pertsona hori bullying-aren/ziberbulling-aren biktima izan daiteke.

EDUKIA:

• Bullying-a eta ziberbullying-a: funtsezko kontzeptuak.
• Goiz antzematea: mekanismoak eta estrategiak.
• Zuzeneko eta zeharkako prebentzio neurriak.
• Familian eta ikastetxeetan esku hartzeko jarraibideak eta protokoloak.

METODOLOGIA:

Metodologia esperientziala, dinamikoa eta parte hartzailea erabiltzen da, “irakaskuntzarena” barik “ikaskuntzaren” dimentsioa indartzen duena, talde lana eta esperientziak trukatzea sustatzen dituena, trebetasun eta abilezia praktikoak eskuratzeko oinarri gisa. Prestakuntza saioak teoriko-praktikoak izango dira: azalpen teorikoak eta ariketak eta/edo adibideak bateratuko dira garatutako kontzeptuen inguruan.

Ikastaroa Gatazka Eraldatzeko Unibertsitate Zentroarekin (Geuz) batera ematen da.

• Datak: 2023ko urriak 30 eta azaroak 6, 13 eta 20
• Ordua: 15:00 – 18:00
• Modalitatea: Presentziala
• ECTSak: 1
• Parte hartu izanaren ziurtagiria | Materialak ematea | Toki kopuru mugatua

Eman izena

Ikastaro honek gorreriari buruzko ikuspegi eguneratua eskaini nahi die parte hartzaileei, mito
oso orokortu batzuk hautsiz eta gaur egungo errealitatera hurbilduz, pertsona gorren artean
heterogeneotasun handia baitago.

Entzumenaren galeraren ondorioez eta horrek sortzen dituen beharrez hitz egingo da, eta umea jaiotzen denetik helduarora arte behar diren erantzun eta jarduketetako batzuk azalduko dira, lehenengo urteak bereziki azpimarratuz.

Zeinu-hizkuntzari buruzko sarrera txiki bat eta komunikazioa hobetzeko aholku batzuk eskainiko dira.

Azkenik, mahai-inguru bat planteatuko da. Gorreria duten gazteek eta familiek euren bizipenei
buruz hitz egingo dute eta parte hartzaileen zalantzei erantzungo diete

EDUKIA:

• Gorreriari eta haren ondorioei buruzko ikuspegi orokorra.
• Arreta goiztiarra eta eskolatzea.
• Irisgarritasuna
• Mahai ingurua: Gorreria 1. pertsonan (esperientzia pertsonalak).

METODOLOGIA:
Ikastaroaren helburua da haur eta gazte gorrekin eta haien familiekin lan egiten duten pertsonen eguneroko esperientzia modu atseginean ezagutaraztea. Horretarako, hizlarien azalpenak – beti ere ikus-entzunezko baliabideen laguntzarekin– eta bertaratutakoei aktiboki parte hartzeko aukera emango dieten jarduera proposamenak bateratuko dira. Era berean, hausnarketarako eta ideiak eta sentimenduak azaltzeko espazioak sortzea sustatuko da.

Ikastaroa Ulertuz erakundearekin batera eskainiko da

• Datak: Azaroak 15, 20, 22 eta 27
• Ordua: 15:00 - 17:00
• Modalitatea: presentziala
• ECTSak: 1
• Parte hartu izanaren agiria
• Materialak ematea

Toki kopuru mugatua

EMAN IZENA

Deustuko Unibertsitateak harrera egiten dio Boluntari (Bizkaiko Foru Aldundiak, BBK-k eta EDE Fundazioak sustatutako erakundea) bere egoitzan ikasleen sentsibilizazioa eta parte hartzea sustatzeko hainbat boluntario programa sustatzeko, horrela gizarte konpromisoa eta herritartasun aktiboa lortzeko.

Espazio honetan boluntario gisa lankidetzan jarduteko hainbat erakunde ezagutu ditzakezu zuzenean.

Data eta ordua: irailaren 21an 10.00 - 14.00

Modalitatea: Presentziala

Eman izena

Bilbon gizarte sektorean, esku hartzean, laguntzan eta baliabideen kudeaketan lan egiten duten hainbat elkarte, GGKE eta fundazioren lana "in situ” ezagutzeko proposamena. Baztertuta geratzeko arriskuan dauden kolektiboekin egin beharreko esku hartzea gertutik ezagutzeko aukera.

• Data eta ordua: 2023ko urriak 3 ordua: 15.00 – 18.00
• Modalitatea: Presentziala
• ECTSak: 1

Parte hartu izanaren ziurtagiria | Toki kopuru mugatua

Eman izena

Gero eta globalizatuago eta elkarlotuago dagoen mundu honetan, non hiritartasun unibertsala edo kultura anitzeko gizarteak bezalako kontzeptuak etengabe aipatzen diren, jarduera honek hainbat kultura eta erlijio tradiziotako gazteen arteko elkarbizitzarako espazio bat sortzeko aukera eskaini nahi du.

Jarduera honen ardatza batzen dituena aurkitzea izango da: herritartasun inklusiboa eta ez-baztertzailea. Sinesmen eta istorioen aniztasuna errespetatuz, baina ahots bakarrean denok bat eginik: denok gara eskubideetan berdinak.

Topaketa hau Espainian migrazio prozesua hasten ari diren pertsonak ezagutuz hasiko da (haien historiak eta haien jatorrizko herrialdekoak, baita nola etorri ziren honaino), giro adeitsu eta adiskidetsuan, Unibertsitatean, Arrupe Etxean, hain zuzen ere. Marokoko gastronomiaz gozatuko dugu eta Bilboko Meskita bat bisitatu ahal izango dugu.

Datak: data zehazteke

Ordua: zehazteko

Modalitatea: Presentziala

ECTSak: 1

Parte hartu izanaren ziurtagiria | Toki kopurua beteta

Eman izena

Zinema ez da dibertsiorako espazioa, gizartea eraldatzeko tresna ere bada. Gradu askotako ikasleekin elkartzeko tokia, gure mundu askotarikoan gertatzen diren gizarte egoera, borroka, kultura eta errealitateak ezagutzen eta ulertzen laguntzen diguna.

Zine-forumaren metodologia erabiltzen dugu. Film bat, dokumental bat edo telesail baten kapitulu bat aukeratuko da, gizarte mailako interesa duen gai bat zuzenean edo zeharka jorratzen duena, eta iritziak, ikuspegia eta/edo esperientziak trukatzeko modua ematen duena.

Data eta ordua: zehazteko

Modalitatea: Presentziala

Toki kopuru mugatua

Eman izena

Zertan datza esperientzia?

• Europako mugetatik kanpoko immigrazioaren errealitatearekiko kontaktua eta ezagutza.
• Desgaitasuna duten pertsonekin eta baztertuak izateko arriskuan dauden haurrekin egiten diren gizarte-proiektuetan parte hartze. 
• Beste kultura eta ohitura batzuk ezagutzea. 
• Talde esperientzia bat bizitzea.

Parte-hartzaileen profila: Deustuko Unibertsitateko ikasleak

Datak: 2024ko urtarrilak 19-24

Ostatua eta janaria: Tanger-eko Casa Riera

Prezioa: 280€ (bidaia, Tanger-en egingo diren desplazamenduak, ostatua, janaria eta asegurua barne hartzen dituelarik)
ECTS: 2

Azken eguna: 2022ko abenduaren 10a

Informazio gehiago

Izena eman