Urteetako ikerketari esker, Deustuko Unibertsitateak aditu-mailako ezagutza du jakintzaren hainbat arlotan. Gizarte eragileei zerbitzu emateko eta haiekin duen konpromisoa gogoan harturik, Deustuk gizartearen zerbitzura jarri nahi du ezagutza hori guztia, adituen zerbitzua eskainiz.

Gizarte eragileek (enpresa, gizarte erakunde, herri administrazioek) izaten dituzten erronketan lagungarri izan nahi dute adituen zerbitzuek. Izan ere, batzuetan Deustuk badu merkatuko beste eragile batzuek betetzen ez dituzten gabeziak betetzeko modua, bertan egiten den ikerketari eta dagoen ezagutzari esker.

Jarraian ageri dira adituen zerbitzu horien adibide batzuk, zahartzean, kulturan, enpresen birmoldaketan edo hezkuntzan espezializatuak.