Deustuko Unibertsitateko Ikerketarako Etika Batzordea erakunde independentea, inpartziala eta diziplina artekoa da, kontsultiboa eta aholku-emailea, Ikerketako Errektoreordetzaren menpekoa.
Hari dagokio…
 

• Ikerketa proiektuen ebaluazio etikoa egitea eta erakundeek eta ikertzaileek eskatutako egokitasun etikoaren gaineko txostenak egitea.
• Ikerketan eta esperimentazioan jardunbide egokiak izan daitezen zaintzea, pertsonen oinarrizko eskubideei eta ingurumenaren babesarekin lotutako interesei dagokienez.
• Erakunde publikoek ikerketaren arloan ezarritako betekizun etikoen eta ebaluazio prozesuen jarraipena egitea.
• I+G+b jarduerek sor litzaketen arazo etikoei buruzko txostenak egitea Unibertsitateko gobernu organoentzat.
• Deustuko Unibertsitateak bere ikerketa politikan nahi dituen zuzentasun zientifikoa eta jardunbide egokiak bete daitezen arduratzea.
• Ikerketaren etikari buruzko arau, lege eta txostenei buruzko orientabideak ematea.
• Ebaluatutako prozedurak berrikustea edo hasitako esperimentazioak eten daitezen proposatzea, horretarako arrazoi etiko objektiborik egonez gero.
• Laguntza eta prestakuntzako programa bat sortzea, Deustuko Unibertsitateko ikertzaileek euren ikerketa proiektuen diseinuan proiektu horien garrantzi etikoari buruzko irizpideak erabil eta agerian jar ditzaten.
• Ikerketako Errektoreordetzak ikerketaren etikarekin lotuta esleitutako beste edozein eginkizun.