Master amaierako bi lan

Ikasketa Ofizialen Plan bateratu honetan, ikasleak Master Amaierako bi lan egin beharko ditu:

Ikerketa bi hauen bidez, ikasleak erakutsi behar du ikerketaren teknikak eta metodologia ezagutzen dituela eta gai zehatz bati aplikatzen dakiela, Psikologiako arloko ikerlan bateko zehaztapenen arabera.

1. Masterraren amaierako lanaren mintegia. Osasun Psikologia Orokorreko Masterreko MAL irakasgaian lau mintegi daude programatuta, MALa egitea errazteko eta MALaren prozesuarekin lotutako alderdi formalen inguruko informazioa emateko. Mintegiek gai hauek jorratuko dituzte: MALa: sarrera; ikerketako etika; lan zientifikoak idaztea; eta MALaren defentsa.
2. Master Amaierako Lanaren gaia aukeratzea. MALaren gaiak Deustuko Unibertsitateko Psikologia eta Hezkuntza Fakultateko Psikologiako ikertaldeetan ikertzen diren gaiekin lotuta egon behar du. Ikasleak ikertalde batean egingo du MALa.
3. Zuzendaria esleitzea. Ikasleak zuzendari baten laguntza eta ikuskaritza izango du master amaierako lana egiteko. Ikertaldeko ikertzaile nagusiak esleituko dio ikasleari zuzendari bat ikertaldean daudenen artean.
4. Masterraren amaierako lanaren garapena. Ikasleak tutoretzak izango ditu zuzendariarekin, lana egiten duen bitartean orientatzeko, laguntzeko eta ikuskatzeko. Prozesu horretan zehar, ikasleak bana-banako tutoretzak izateko eskubidea eta betebeharra izango du, irakasgaiko laneko planari jarraituta.
5. Azalpena eta defentsa. Master amaierako lana egin ondoren, ikasleak lanaren azken fruitua aurkeztuko du idatziz, jendaurreko defentsa egiteko, horretarako izendatutako ebaluazioko epaimahaiaren aurrean.
6. Defentsaren aurretik bete beharreko baldintza. Master amaierako lana epaimahaiaren aurrean defenditzeko, ikasleak 5eko kalifikazioa izan behar du, gutxienez, Masterreko beste irakasgaien batez besteko nota ponderatuan.