Informatika Ingeniaritzako Unibertsitate Masterra diseinatuta dago parte hartzaileek...

• goi mailako gaitasunak eta ardurak hartu ditzaten, giltzarri diren arlo teknologikoetan, ezaguera sendo eta gaitasunei loturik, enpresek inguru aldakor honetan dituzten beharrizanekin zuzenean loturik.
• arlo tekniko bereizgarriak eta informatikako ingeniaritzako proiektuen kudeaketan aritzeari lotutako gaitasunak garatu ditzaten, horrela ingeniari trebeak izateko modua izan dezaten euren erakundeetan.
• lanbideko bizimodurako ibilbidea egin dezaten, hurbileko laguntza dutela, eskuratutako gaitasunak egokituz.
• enpresa ingurua ezagutzen duten ingeniari gisa esperientzia izan dezaten, inguru hori aldatzeko tresna teknologikoak ere eskura jartzen zaizkielarik.
• lanbideko karrerari hasiera emateko biderik onena aukeratu dezaten, eskaintzen zaizkien ibilbideetatik abiaturik. Izan ere, ibilbide horiek informatikako ingeniaritzaren esparruko lan-merkatuan dauden aukera nagusien erakusgarri dira.

Metodología

Informatika Ingeniaritzako Unibertsitate Masterraren irakaskuntzako metodologian garrantzi handia du ikuspegi praktikoak, ikasleak Informatikako ingeniari lanbidearen errealitatera hurbiltzen baititu, lan horren enpresa alderditik edo zientzia alderditik, enpresek irakasgai guztietan parte hartzen baitute, hitzaldi eta gai jakinen gaineko mintegietan.

Informatika Ingeniaritzako Unibertsitate Masterreko irakaskuntza-ikaskuntzako metodologia Deustuko Hezkuntza Ereduan oinarrituta dago. Eredu horrek ikaskuntza autonomo eta esanguratsua lehenesten du eta ikaslearen garapen pertsonala sustatzen du hainbat aldetatik (pertsona, gizarte, etika, eskola eta lanbide aldetik).