Web gune honek bere cookiak eta bitartekoenak erabiltzen ditu zure nabigazioa optimizatzeko, zure lehentasunetara egokitzeko eta jarduera analitikoak egiteko. Nabigatzen jarraitu ez gero, gure Cookien Politika onartzen duzu.

Onartu

Sarrera probak

Bigarren deialdia - Sarrera probak urrutitik

Bigarren deialdirako sarrera-probak maiatzaren 15ean egingo dituzte, hautagai guztientzat. Probak urrutitik izango dira, unibertsitatera joan behar izan gabe. Probetara deituta dauden hautagaiek posta elektronikoz jasoko dute informazio zehatza, modu pertsonalizatuan.

Bestalde, Batxilergoko azken notak hasieran aurreikusitako datetarako edukitzea ezinezkoa izango denez, nota horiek aurkeztu behar dituztenek eskura eduki bezain laster entregatu behar dituzte, eta, beranduenez, ekainaren 23an. Atzerapen horren eraginez, ezinezkoa izango zaigu sarrera eskaeren ebazpenak planifikatutako datetan komunikatzea, horrela, hautagaiek aukera bakoitzaren ebazpena beranduenez uztailaren 1ean ezagutu ahal izango dute. Ebazpena deusto.eus/idazakaritzabirtualean ezagutu daiteke. 

Maiatzaren 15eko sarrera-proben edukia

Sarrera-probak ikasketa guztietarako atal orokor bat dute eta gradu jakin batzuetarako beste atal berezi bat.

PROBA OROKORRAK

  • Ingeleseko proba: Test moduko galderak. Proba hau ikaslegai guztiek egin behar dute, sarrera eskaerarekin batera ingeles-maila egiaztatzen duten agiriak aurkeztu dituztenek barne.
  • Idazlana: Hautagaiaren motibazioei eta ibilbideari buruzko idazlana.

Proba orokorrek ordubete iraungo dutela aurreikusten da.

PROBA BEREZIA

  • Euskarako testa: Euskara maila neurtzen du. B2 maila behar da onartua izateko. Probaren iraupena 25 minutuko ingurukoa izango da.

Proba berezia duten titulazioak: 

  • Psikologia (euskarako taldea)
  • Fisoterapia (euskarako taldea)
  • Jarduera Fisikoare eta Kirolaren Zientziak (euskarako taldea)
  • Lehen Hezkuntza
  • Lehen Hezkuntza + Jarduera Fisikoa eta Kirolaren Zientziak
  • Fisioterapia + Jarduera Fisikoa eta Kirolaren Zientziak 

Zer hartzen da kontuan Deustun ikasteko?

Onarpen batzordeak honako hauek balioetsiko ditu, ikaslea onartu ala ez onartu ebazteko orduan:

  • Ikasketa-espedientea
  • Sarrera-proben emaitza
  • Merezimendu pertsonalak
  • Toki kopurua

Gaur egungo egoeran, hautaketa prozesuan garrantzi handiagoa emango zaio ikaslearen espedienteari.

Oharra: Unibertsitateak erabaki dezake proben ondoren hautagaiei urrutitik elkarrizketa bat egitea, beharrezkotzat ikusten badu.