Gradu Amaierako Lana derrigorrezkoa da eta ikasketetako laugarren mailako proiektu nagusia da. Matrikulatu ahal izateko, ikasleak titulazioko oinarrizko eta derrigorrezko irakasgai guztiak gaindituta, edo gutxienez matrikulatuta, eduki beharko ditu.

Gradu Amaierako Lanari esker, psikologiako jakintzaren esparru bat sakon ezagutu ahal izango duzu. Maila horretan pentsatzeko moduak eta ikerketako metodoak ulertzeko oinarriak izango dituzu, eta ekarpen propio eta original bat egiteko adina gaitasun ere bai.

Lan hori ikerketa enpiriko bat izango da, bakarka eta heldutasunez egin beharrekoa, irakasle batek ikuskatuta, eta epaimahai baten aurrean defenditu beharrekoa. Lan egokia da ikaslea prestatu dadin:

• Independentziaz eta era autonomoan ikasteko, baita proiektuak eta zereginak kudeatzeko ere.
• Psikologiak garatu dituen baliabide nagusiak identifikatzeko, psikologia arloko neurketak, ebaluazioak eta diagnostikoak egiteko printzipioak, metodoak eta teknikak ezagututa.
• Aldagai psikologikoak deskribatzeko eta neurtzeko.
• Ikerketa proiektu enpiriko bat formulatzeko, diseinatzeko eta burutzeko.
• Psikologiako txosten zientifikoak prestatzeko.