Kanpoko praktikak
Laugarren mailako hautazko 30 ECTSen artean, lanbide inguruetan kanpoko praktiketan 6 ECTS egiteko aukera dago.
Praktiken bana-banako jarraipena
Bi tutorek (batak, praktikak egiten diren kanpoko zentrokoak; eta, besteak, Unibertsitatekoak bertakoak) egiten dute ikasleen jarraipena praktikek irauten duten bitartean, eta txostenen bidez ebaluatzen dituzte ikasle bakoitzaren lorpenak, bai gaitasun orokorrei dagozkienak, bai berariazko gaitasunei lotuak.
Praktikek,
- irakaskuntza teorikoak eta praktikoak osatzen dituzte;
- ikasleei gerora jardungo duten laneko errealitateari zein metodologia dagokion jakiten laguntzen diete, hartutako jakintzak erkatu eta aplikatuko baitituzte;
- gaitasun tekniko, metodologiko, pertsonalak eta parte hartzekoak garatzen laguntzen dute;
- esperientzia praktikoa lortzeko modua ematen dute, trebetasunak zabaldu eta lan-merkaturatzea erraztekoa;
- pertsonen arteko harremanak aberasten dituzte, praktikak egiten dituen erakundeko kideekiko bizikidetzari esker;
- gure ikasleen gaitasun eta lanbideko prestakuntzarekin enpresetako eta erakundeetako sozializazioa sustatzen da.
Lanbide esperientzia duten gradudunak
Praktikek etorkizuneko lanbidearekin lotutako inguru errealetan gaitasunak eta trebetasunak jasotzeko modua ematen dute.
Praktikak enpresa, erakunde eta entitate publiko eta pribatuetan egiten dira, nazio eta batzuetan nazioarte mailan. Laneko lehenengo esperientzia hau erakusle ezin hobe bihurtzen da gaitasun profesionalak erakusteko eta, betiere, curriculum vitaea aberasteko.
Ikasturte bakoitzean, praktiketako hitzarmen berriak kudeatzen dira enpresekin, ikasle guztiek esperientzia hau izateko aukera izan dezaten. Enpresa eta erakundeetan praktikak egiteko aukerak asko dira eta ekonomi inguruaren errealitate aldakorrera egokitzen doaz.