Gradu honetan ikusiko duzu zein harrigarria den elektronika beste arlo batzuetara (medikuntzara, garraiora, ingurumenera, etab.) aplikatzea. Aparailuak muntatzen, konpontzen edo hobetzen gozatzen duzun horietakoa bazara, hauxe duzu zeuretzako moduko titulazioa.

Gradu honetan industria teknologia klasikoetako prestakuntza (elektrizitatea eta mekanika, besteak beste) teknologia berriekin eta prozesuen kontrolarekin uztartzen da. Horrela, diziplina ugariko taldeetan integratu ahal izango zara eta 4.0 industria berrian txertatu.

Ikasketak amaitzean, gai izango zara…

• hainbat produktu (gailu elektroniko, pneumatiko, elektromekaniko, makina elektriko, etab.) eta sistema diseinatzeko, bai etxean bai industrian erabiltzeko.
• fabrikazioko lantegi konplexuak tresnaz hornitzeko, automatizatzeko eta robotizatzeko: birfindegiak, eguzki energiazko abeletxeak, kogenerazioko lantegiak…
• prozesu eta zerbitzuetan berritzeko, ikerketa eta teknologia berriak aplikatuz.
• sistema robotizatuak diseinatzeko, kontrolatzeko eta programatzeko.
• lan-taldeak, instalazioak eta zerbitzuak zuzentzeko.

Graduak oso metodologia praktiko, dinamiko eta parte hartzailearen aldeko apustua egiten du, ezagutza praktikoetako goi maila bermatzeko, ezinbestekoa baita hori hala izatea ingeniarien artean. Kasu errealekin ikasiko duzu, industrian diharduten irakasleen eskutik.

Azalpenak, lanak, aplikazioko ariketak, hausnarketak eta baterako eztabaidek lagunduko diete ikasleei unibertsitateko gradudun horrek izan behar dituzten gaitasunak eta Industria Elektronikako eta Automatikako Ingeniaritzako ezagutzak eta trebetasunak garatzen.

Fakultateko laborategietan, industrietan erabiltzen diren ekipoekin “endredatu” eta ikasi ahal izango duzu, benetako gailuekin; adibidez, produkzioko lerroa lanean erakusten duen 6 ardatzeko robotarekin.

Gaitasun orokorrak     Berariazko gaitasunak

Tutoretza plana Unibertsitatean egokitzen laguntzeko pentsatuta dago.

Ikasturte bakoitzean tutore bat izango duzu, alderdi akademiko, pertsonal eta/edo lanbidekoei buruzko aholkularitza emango dizuna eta dekanoarekiko, Idazkaritzarekiko eta gainerako irakasleekiko solaskide izango dena. Azken batean, tutorearengana jo ahal izango duzu arazo bat edo bestelako kezka bat duzunean.

Horrekin batera, badago Unibertsitateko Orientazio Zerbitzua ere, eskolako errendimenduari edo ongizate pertsonalari eragiten dieten erabakiak hartzen lagunduko dizuna.

Graduetako tutoreen zerrenda  
 

 Onarpen irizpideak

Titulura sartzeko eskumena Onarpen Batzordeari dagokio. Batzorde hori dekanoak eta ikasketen antolamendu eta ikasleen dekanordeek osatzen dute. Onarpen prozesua honela dago antolatuta:

1.Hautagaiak Deustuko Unibertsitateko Idazkaritza Orokorrak ezarritako epeen barruan eman behar ditu sarrera eskaera eta eskatzen den dokumentazioa.
2.Hautagaiari dei egingo zaio sarrera probak egiteko.
3.Proben emaitzak izanik, onarpen batzordeak hautaketa egiten du onarpenerako irizpideak oinarri harturik.
Onarpen Batzordeak honako hauek balioetsiko ditu ikaslea onartu ala ez onartu ebazteko orduan:
•Ikasketa-espediente osoa (% 60).
•Sarrera probaren emaitza (% 40).

DBHko 4. mailako eta Batxilergoko 1. mailako batez besteko ponderatua kalkulatzeko kontuan hartzen diren irakasgaiak. Maila bakoitzeko batez besteko nota aterako da eta gero bien batez besteko aritmetikoa kalkulatuko da.
Beharrezkoa iritziz gero, Onarpen Batzordeak elkarrizketara dei egin diezaioke ikasleari edo agiri bidezko informazio gehiago eska diezaioke.

Argibide gehiago: ingreso.deusto.es