• Hizkuntza teknikari: euskararen normalizazioa, gure testuinguruko hizkuntzen kudeaketa, kultura bitartekaritza, erakunde eta enpresentzako aholkularitza eta hizkuntza anitzeko planen ezarpena.
• Testuen itzulpena, ekoizpena eta edizioa
• Bigarren Hezkuntzako eta Batxilergoko irakaskuntza
• Euskararen irakaskuntza: euskalduntzea eta alfabetatzea.
• Argitalpen eta komunikazioaren industria: idazlea, erredaktorea edo dokumentalen gidoilaria; estilo liburuak idatzi, egokitu eta itzultzeko lanak; proben zuzentzaile lana; hizkuntza aholkularitza; argitalpenen kudeaketa.
• Sareko hizkuntza baliabideak: testu corpusak, hiztegiak, gramatika kontsultatzeko tresnak

Deustuko Unibertsitatea aitzindari izan da euskal eta ingeles hizkuntzaren eta literaturaren ikasketetan eta ibilbide luzea izan du arlo horietan; horrek erakusten du unibertsitateak duen prestigioa. Hargatik, hainbat eta hainbat enplegu eskaintza heltzen dira Fakultatera.

Deusto Alumni elkarteak ere lan merkatuko sarrera errazten du, bai eta enplegu arloko orientazioa eta legezko aholkularitza eman ere. Zure ekintzaile espiritua garatzen laguntzen dizugu, eta, nahi izanez gero, daukazun enpresa proiektua gauzatzen lagundu ere bai.

Gainera, DeustuLan Laneratzeko Zentro Integralak laguntza emango dizu lehen enpleguetan eta aholkuak emango dizkizu zure interes eta prestakuntzetara egokitzen den lan eremuaren gainean. Hemen, laneko elkarrizketa bat egiteko, curriculum vitaea prestatzeko eta enplegua bilatzean jakin beharreko beste alderdi batzuetako laguntza jasoko duzu.

Osagarri gisa, Enplegu Foroa antolatzen dugu urtero; espazio horretan, enpresekin jar zaitezke harremanetan, CVa entrega dezakezu, aurkezpen, mintegi eta lantegietara joan zaitezke eta, nahi izanez gero, hautaketa prozesuetan parte har dezakezu.

DeustoAlumniri buruzko argibide gehiago