Unibertsitatearen Gizarte Erantzukizuna “DEUSTO 2018, Deusto: Zerbitzua eta Konpromisoa” planaren proiektu estrategietariko bat da. Plan horren bidez, Deustuko Unibertsitateak gizarteari egiten dion zerbitzua indartu nahi du, gizarteko eragileekin harreman estuagoak ezarriz, errealitatearen irakurketa kritikoa sustatuz, gizarteko prozesuetan parte hartuz eta antolamoldeak aldatuz.

Jesusen Lagundiaren apostolutza intelektualeko obra izaki, Deustuko Unibertsitateak era horretara berritu eta hezurmamitzen du gizartea zerbitzatzeko misioa, alegia, herritar arduratsu eta konprometituak izan gaitezen bultzatuz, gizarteko arazoen jakitun eta errealitatea aldatzeko dugun ahalmenaren jabe izanik.

“Justiziarekin konprometitutako herritarrak hezteko, konturatu behar dugu unibertsitateko tituluak, lanbiderako abestasuna emateaz gain, pertsonak laneko eta bizitzako jardunean gizarte erantzukizuna duela onartzea dakarrela. Ikasketekin herritar-betebehar berriak hartzen dira.” 
Jesusen Lagundiaren Justizia Sozialerako eta Ekologiarako Idazkaritza, 2014.
 

Unibertsitatearen gizarte erantzukizuna, jesulagunen unibertsitateen Izaera eta Misioak argitua eta bertan txertatua

• Zeharkako, parte hartzeko eta elkarlaneko proiektua
• Ardatzak: irakaskuntza, ikerketa eta transferentzia, gizartearentzako zerbitzua, 
  erakundea eta pertsonak

Lehentasunezko arloak

• Berdintasuna
• Inklusioa
• Justizia soziala
• Ingurumena
• Osasuna

Nortzuk gara

• UGE Batzordea: Francisco José Ruiz Pérez, SJ (Izaera eta Misioko errektorearen ordezkaria), Almudena Fernández (Inklusioa), Javier Arellano (Justizia Soziala), Olatz Ukar (Ingurumena), Fernando Asenjo (Osasuna), Magdalena Izaguirre (komunikazioa).
• Talde teknikoa: koordinatzaileak (Idoia Irigaray, Eider Gaztelu, Xiomara Martínez, Estibaliz Linares), bekadunak (Andrea Martínez eta Maider Parra).
  
   

Sare estrategikoak

• Unijes. Jesulagunen Lagundiarekin lotutako Espainiako unibertsitate zentroen sarea. Informazio gehiago
   

• Aristos Campus Mundus Campus de Excelencia Internacional. Deustuko Unibertsitatearen, Comillas Unibertsitate Pontifikalaren eta Ramon Llull Unibertsitatearen arteko atxikipen estrategikoa, irakaskuntzaren eta ikerketaren bikaintasuna eta hiruren proiektuen glokalizazioa bultzatzeko egina. Informazio gehiago
  
  

• Crue Universidades Españolas. Espainiako 76 unibertsitatek osatutako irabazi asmorik gabeko elkartea. Informazio gehiago