Ikerrildo honek Deustuko Unibertsitateko Gizarte eta Giza Zientzien Fakultateko Kultura eta Komunikazioa ikertaldean garatzen den ikerketaren ibilbidea batzen du. Kultura eta Komunikazioa taldeak ikerrildo hauek ditu: Euskal Gizartea eta Kultura, Komunikazioa, Hizkuntzen Azterketa eta Europaren Integrazioa.

• Gaur eguneko Euskal Gizartea eta Kultura ildoa. Diziplina arteko eta kultura arteko taldea, gaur eguneko euskal herriaren kultura bezain gertakari konplexu eta anitza aztertzeko. Helburua hauxe da: euskal kulturaren arloak aztertzea eta baloratzea, gizarte horren biziera eta pentsamenduarekin lotuta, gaur egun bereziki. Lan esparruek zera lortu nahi dute: Argibide gehiago
• Komunikazio ildoa. Komunikazioaren gizarteak planteatzen dituen erronken azterketa hainbat esparrutan, komunikazioaren teknologia berrien agerpenetik eta kultur eraginetik, erakunde eta enpresen komunikazio estrategietaraino eta gizartean duten eragineraino, gaur eguneko funtsezko gaien inguruan (generoa, identitatea eta aldaketa politikoak) komunikabideek duten diskurtsoaren analisia –eta horren barruko balioak– ahaztu barik; hori guztia, gizarte mailako etenak aurreikusiz eta gure kontzientzia kritikoarekin jarduteko ahalmena garatuz. Argibide gehiago
• Hizkuntzen Azterketaren ildoa. Ildo honek hizkuntzaren azterketa lehenesten du: ahozkoa, idatzizkoa eta hipermodala Azken urteotan egindako ikerketen helburu izan da Euskal Herriko euskara eta gaztelania aztertzea, baina bigarren hizkuntza –ingelesa edo txinera, besteak beste– ikasteari buruzko lanak ere hasi dituzte. Taldea hizkuntzaren azterketaren bi alderditan espezializatu da: deskripzio fonetiko esperimentala eta idatzizko hizkuntzaren azterketa, corpusetan eta iturri dokumentaletan. Argibide gehiago.
• Europaren integrazioa ildoa. Ikertalde honek Europa eraikitzeko prozesuaren azterketa du helburu nagusi, diziplinarteko ikuspegitik; eta, horretarako, lotura politikorako bilakaera eta aurrerapausoa dakarten erronka eta alderdiak aztertu eta baloratzen ditu. Argibide gehiago.