Prestakuntza ekintzak. Doktoregoko programek ikerketako prestakuntza jarduerak dituzte, bai zeharkakoak, bai espezifikoak, programa bakoitzaren eremukoak. Jarduera hauen bidez, ikertzaile berrien prestakuntza bikaina eta ikerketako gaitasun hobeak garatu nahi dira.
Jardueren garapenaren bidez, adimen topagunea sortu nahi da, bertan ikertzaile gazteek beren prestakuntza garatu ahal izateko ikerketako testuinguru bikainean, sormena, diziplinarteko ikuspegia eta talde lana oinarri dituen testuinguruan.
Jarduerak prestakuntza aldian zehar banatzen dira. Ikastaroak, jardunaldiak, mintegiak, biltzarrak, artikuluen argitalpenak eta mugikortasuneko egonaldiak izango dira.
Jardueren programazioaren bidez, ikasleen nazioarteko esperientzia bermatu beharko da, batik bat, unibertsitate edo atzerriko ikerketa zentroetako egonaldien bidez; halaber, nazioarteko tesiak egitea, nazioarteko biltzarretan parte hartzea eta prestakuntza jardueretan irakasle bisitariek esku hartzea ere bermatu beharko da.